YEREMIA 1:8 - KITTA' MATANGKASA'

⁸ Teako mallakki mae ri ke'nanga, nasaba' iNakke lanrurungangko untu' anjagaiko. INakke Batara, anne akkana!”

YEREMIA 1:8 Referans Kwoze

YOSUA 1:5

Manna sitau tania' lakkulle ambetako, Yosua, lalang tallasa'nu. Nasaba' iNakke latuli anrurungangko ri sa'rinnu sangkamma riolo iNakke anrurungangi Musa ri sa'rinna. Tena nalaKubokoiko.

YOSUA 1:9

U'rangi, angkanaya le'ba'mi Kuparentakang mae ri kau sollannu tappa' tojeng-tojeng siagang barani! Teako mallakki yareka teako naungi sumanga'nu, nasaba' iNakke Karaeng Allata'alanu anrurungangko ri sa'rinnu, manna pole kemae lampanu.”

YESAYA 51:7

PilangngeriA', he bansaKu, nuassengi apa annabaya; ajarangKu nuboliki lalang ri atinnu. Teako mallakki punna nicau-cauko ri rupataua, teako lussakki punna nahinako ke'nanga.

PAOLE 31:6

Paralluko majarre' pa'mai' siagang barani! Teako mallakki mae ri ke'nanga! Karaeng Allata'alanu KalenNa lantulungko. Tena nalaNapassalasako siagang tena nalaNabokoiko.”

LAMPA-LAMPANA 4:13

Lannasa' ngasemmi anggota-anggotana anjo Pangadelanga anciniki kabaranianna Petrus siagang Yohanes. La'biangampa pole nanaassennamo ke'nanga angkanaya anjo Petrus siagang Yohanes tau biasaji bawang, tutenaya sikolana. Nasadarimi ke'nanga angkanaya anjo tau ruaya ana' gurunNa Isa.

PAOLE 31:8

KalenNa Batara angnguluko siagang antulungko. Tena nalaNapassalasako siagang tena nalaNabokoiko. Lanri kammana anjo, teako mallakki siagang teako lussakki.”

KALAPPASSANG 3:12

Appialimi Allata'ala angkana, “INakke lantulungko. Napunna nuerammo assulu' anjo bansaya battu ri Mesir, lanugaukang ngasemmi ibadaya mae ri Nakke ri anne monconga. Iaminjo a'jari butti angkana iNakke assuroko.”

LAMPA-LAMPANA 18:10

Nasaba' niaKa' anrurungangko. Tena manna sitau akkulle a'gau' ja'dala' ri kau, nasaba' jai taungKu anrinni ri kotaya.”

YESAYA 43:2

Punna nusombali je'neka, iNakke anrurungangko, tena nulatallang lalang ri sikamma kasukkarrannu. Punna allaloko ri pepeka, tena nulammutung, tena nalanabalaiko sikamma paccoba battalaka.

LAMPA-LAMPANA 26:17

LaKulappassangko battu ri limanna bansa Israelka siagang bansa-bansa maraenga. LaKusuroko a'lampa mae ri ke'nanga,

LAMPA-LAMPANA 4:29

Kamma-kamma anne, o, Batara, Kicini'mi antekamma batena ke'nanga anggarattaki ikambe. Na Kisaremi pangngellai ikambe anne, ata-atanTa, ampa'la'bangi kabara' battua ri Katte lalang kabaraniang.

MATIUS 28:20

Ajaraki ke'nanga anggaukangi sikontu le'baka Kupassuroang ri kau ngaseng. Na u'rangimi angkanaya laniakKa' anrurungangko sa'genna kala'busang jammanga.”

MATIUS 10:26

“Teako mallakki ri ma'rupataua. Tenanniakka apa-apa taccokko talakacinikang sallang; siagang tenanniakka apa-apa nicokkoi talakaassengang sallang.

YEREMIA 20:11

Mingka iKatte, o Batara, niakKi' angngentenganga'; iKatte tamaka gassinTa na Kikassa'. Anjo ke'nanga angngondangia' siagang anjallakkangia' latu'guruki natena pakkullena. Lasiri'-siriki ke'nanga satunggu-tungguna, salasai sikontu rancanana ke'nanga. Anjo tunana ke'nanga latuli niu'rangi.

YEREMIA 1:17

Sadia-sadia mako Yeremia! A'lampamako siagang pabattui mae ri ke'nanga, sikontu apa Kuparentakanga mae ri kau. Teako mallakki mae ri ke'nanga, sollanna tena naKupa'jari pila' mallakko punna assidallekangko siagang ke'nanga.

YESAYA 51:12

Nakana Batara, “INakkemi ansaleori ngasengko. Angngapa numalla' mae ri rupatau lamatea, mae ri rupatau nipelaka rapang ruku'?

EFESUS 6:20

Passala' iaminjo Kabara' Bajika nakua'jarimo se're tunisuro, niaka kamma-kamma anne lalang ri tarungkua. Pappala' doanganga', sollangku barani ambicarai anjo Kabara' Bajika, situru' apa siratanga lakubicara.

YEREMIA 30:11

LabattuA' siagang laKupasalamakko. Bansa-bansa ri tampa'nu Kupela' Kupasisa'la'-sa'la' laKupanraki ngasengi, mingka ikau tena naKupakammako. Memang tena nulata'lappasa' battu ri hukkungang mingka hukkungangKu adeleki situru' katantuang. INakke, Batara, anne akkana.”

YEREMIA 39:11

Karaeng Nebukadnezar le'baki nasuro Nebuzaradan, iamintu komandang pasukanna, appasulu' parenta kammaya anne.

YEREMIA 42:11

Teako mallakki mae ri anjo karaeng Babel. NiakKa' ri tangnga-tangnganu untu' antulungko siagang allappassangko battu ri kakoasanna.

DANIEL 3:17

Punna akkulle Allata'ala nasombaya ikambe ampasalamaki ikambe battu ri anjo pepe' a'rinra-rinraya siagang battu ri kakoasanna karaengku, mattantu Nagaukangi.

DANIEL 3:25

Appialimi karaenga angkana, “Mingka angngapa naappa' tau kucini' a'jappa-jappa ri tangnga-tangngana anjo pepeka? Tena sikali natassikko' ke'nanga siagang tena nangngapa-apa. Siagang anjo tau makaappaka tanja'na sangkammai rewata.”