YEREMIA 1:18 - KITTA' MATANGKASA'

^18-19 Pilangngeri! Lanibaliangko ri pandudu'na anne pa'rasanganga, iamintu sikamma karaenna Yehuda, sikamma tau anna'galaka pamarentahang, sikamma imanga, siagang ra'yaka. Mingka anne alloa Kusareko kagassingang untu' angngewai ke'nanga. La'jariko rapang kota niaka tembo' pattahanganna, rapang benteng bassi siagang tembo' tambaga. Takkulleai ke'nanga ambetako, nasaba' iNakke lanrurungangko siagang anjagaiko. INakke, Batara anne akkana.”

YEREMIA 1:18 Referans Kwoze

YESAYA 50:7

Saba' Karaeng Allata'ala antulunga' na tena kunipakasiri'. Kupakajarreki pa'maikku na kusa'bara'; kuassengi angkanaya tena kulanipakasiri'.

YEREMIA 15:20

LaKupa'jariko rapang tembo' tampa' pattahangngang nipareka battu ri tambaga mae ri ke'nanga. Lanabundukiko ke'nanga, mingka tanakulleai ke'nanga ambetako. INakke lanrurungangko untu' anla'langngiko siagang ampasalamakko.

YEREMIA 6:27

Nampa Nakana Batara ri Yeremia, “So'ri sai ummakKu, rapang tau asso'ria bulaeng. Salidiki sipa'-sipa'na ke'nanga!

YEREMIA 37:7

akkana kamma anne mae ri tunasuroa Zedekia: “Pauangi Zedekia kamma anne, ‘Niaki tantara Mesir a'jappa mae anrinni untu' ambantuko, mingka la'gilingi nampa ammotere'.

YEREMIA 42:22

Lanri kammana anjo u'rangi: ri anjo pa'rasangang eroka nubattui untu' ammantang, lamateko lalang pa'bundukang, yareka lanri kacipurang, yareka lanri garring.”

YEREMIA 34:3

Tena nukkulle lata'lappasa', mingka lanijakkalakko siagang lanipassareangko mae ri ia. Lassigappako siagang la'bicarako kalennu siagang ia, nampa la'lampako mange ri Babel.

YEREMIA 21:4

ampabattui mae ri Karaeng Zedekia angkanaya Batara, Allata'alana Israel, akkana kammai anne, “Zedekia, laKubetai pasukannu a'bunduka angngewai karaeng Babel siagang pasukanna. Sikamma sanjatana tantaranu laKupa'gompoi ri tangnga-tangngana kotaya.

YOHANES 1:42

Nirurungammi Simon ri Andreas mae ri Isa. Nijanjammi Simon ri Isa, nampa akkuta'nang Isa angkana, “Ikau Simon, ana'na Yona. Lanigallarakko Kefas.” (Kefas sangkammai battuanna siagang Petrus, iamintu: bulu' batu.)

YEREMIA 38:18

Mingka punna taerokako manyara, anne kotaya latu'guruki antama' ri limanna tu Babel. Lanatunui ke'nanga sa'genna la'busu', siagang manna ikau tena todong nulata'lappasa'.”

PAPPICINI' 3:12

Ia ammetaya laKupa'jari sanrapang benteng lalanga ri Balla' Matangkasa'Na Allata'alaKu, siagang lammantammi ri anjo tampaka sa'genna satunggu-tungguna. LaKutulisiki ri kalenna anjo taua arenNa Allata'alaKu, siagang areng kotaNa Allata'alaKu – iamintu Yerusalem berua, iamintu niaka naung battu ri suruga, battu ri Allata'alaKu. Kammayatompa, laKutulisi' tongi areng beruKu mae ri kalenna ke'nanga.

YEREMIA 1:17

Sadia-sadia mako Yeremia! A'lampamako siagang pabattui mae ri ke'nanga, sikontu apa Kuparentakanga mae ri kau. Teako mallakki mae ri ke'nanga, sollanna tena naKupa'jari pila' mallakko punna assidallekangko siagang ke'nanga.

YEREMIA 15:10

Tojeng, inakke siala' memang tonga'. Untu' apa nanalassukanga' anrongku? Tunggala' tau niaka ri anne pa'rasanganga kuagang ngasengi a'besere' siagang a'gea'. Manna kutale'baka appapiinrang yareka angnginrang, mingka nitunraia ri sikontu taua.

YEREMIA 26:24

Mingka kamma-kamma anne lanri pannulunna Ahikam ana'na Safan, inakke Yeremia, tena nipassareanga' mae ri ra'yaka untu' nibuno.

YEREMIA 20:11

Mingka iKatte, o Batara, niakKi' angngentenganga'; iKatte tamaka gassinTa na Kikassa'. Anjo ke'nanga angngondangia' siagang anjallakkangia' latu'guruki natena pakkullena. Lasiri'-siriki ke'nanga satunggu-tungguna, salasai sikontu rancanana ke'nanga. Anjo tunana ke'nanga latuli niu'rangi.