YEREMIA 1:10 - KITTA' MATANGKASA'

¹⁰ Anne alloa Kusareko koasa mange ri bansa-bansaya siagang sikamma kakaraenganga – iamintu koasa untu' appara'ba siagang anrumbang, untu' apagulung siagang ammanraki, kammayatompa untu' appabangung siagang a'lamung.”

YEREMIA 1:10 Referans Kwoze

YEREMIA 31:28

Kamma riolo Kujagai ke'nanga sollanna sallang Kubi'buki, Kuruntungi siagang Kuancuruki ke'nanga, kamma tomminjo laKujagai ke'nanga sollanna Kubangung siagang Kupakajarre' ke'nanga ammotere'.

YEHEZKIEL 36:36

Jari bansa-bansa singngampi'na ia niaka ija, lanaassemmi angkanaya iNakke, Batara, le'ba' ambangungi ammotere' kota-kota ancuruka, siagang anjamai ammotere' sikamma koko rosoka. INakke, Batara anne a'bicara, siagang mattantui laKupa'rupana kanangKu.”

YEREMIA 24:6

LaKujagai ke'nanga siagang laKuerangi ke'nanga ammotere' mae anrinni ri pa'rasanganga. LaKupabangungi ke'nanga, tena naKuruntungi; laKulamungi, tena naKubi'buki ke'nanga.

AMOS 9:11

Nakana Batara, “Lanarapiki wattunna naKupoterang kakaraenganna Daud. Kamma-kamma anne anjo kakaraenganga kontumi balla' rumbanga. Mingka laKupakabajiki ammotere' tembo'-tembo'na siagang laKubangungi ammotere' sa'genna a'jari sangkamma riolo.

AMOS 3:7

Tena le'bakai Batara Kaminang Tinggia anggaukang apa-apa punna tena Napa'nyatai rancanaNa mae ri sikamma na'bia, ata-atanNa.

ZAKHARIA 1:6

Tete ri sikamma anjo na'bi atangKu ngaseng, Kupabattumi sikamma parentaKu siagang sikamma pappakaingakKu mae ri boe-boenu. Mingka tena najampangi ke'nanga sa'genna musti natanggongi ke'nanga kale'bakkang kajariang kodina. Nampa assesse' lalammo ke'nanga, siagang mangakumi ke'nanga mae ri Nakke angkanaya iNakke, Batara Kaminang Koasaya, le'ba' anghukkungi ke'nanga situru' kasalanna ke'nanga, siagang sangkamma apa le'baka Kupattantu.”

YEHEZKIEL 32:18

“He tau, susako ri nyawanu lanri ra'ya' Mesir. Kiringi ke'nanga mange ri linona tau matea siagang ngaseng pa'rasangang-pa'rasangang kassa' maraenga.

YEHEZKIEL 43:3

Anjo paccinikku sangkammai kucini' ri wattunna battu Allata'ala untu' angngancuruki Yerusalem, siagang sangkammai kucinika ri Binanga Kebar. Nampa kupara'ba kalengku assu'ju'.

1 KARAENG-KARAENG 19:17

Inai-nai tena nibunoi ri Hazael, lanibunoi ri Yehu. Siagang inai ta'lappasa' ri Yehu lanibunoi ri Elisa.

1 KARAENG-KARAENG 17:1

Nia' sitau na'bi niareng Elia. Assala'na tubattu ri Tisbe, iamintu se'reang kota ri daera Gilead. Ri se'reang allo battui mae ri Karaeng Ahab na nakana, “Lanri Batara, Allata'ala mattallasaka, Ia nasombaya tu Israel siagang Ia kulayania, kupabattuangki' angkanaya lalang ruampulo yareka tallumpulo taung labattua anne latena saliu' yareka bosi manna sike'de', pantaranganna punna kukanangi.”

YEREMIA 1:5

“Ri wattu tenanapa Kupa'jariko lalang ri battanna amma'nu, siagang ri wattu tenanapa nanilassukangko, le'ba' memang mako Kupile siagang Kuangka' untu' a'jari na'bi mae ri bansa-bansaya.”

YEREMIA 25:13

LaKuhukkungi Babel siagang sikontu bala le'baka Kurancanakang mae ri bansa-bansaya siagang le'baka Kupabattu mae ri Yeremia – iamintu sikontu bala niaka nitulisi' ilalang ri anne kittaka.

YEREMIA 31:40

Sikontu anjo ka'bung lapparaka, nipakea a'jari pa'jerakkang siagang tampa' pammelakkang loro, kammayatompa sikontu kokoa ri birinna Binanga Kidron sa'genna mange ri Pakke'bu' Lompo Jarang a'lampa anrai', lanisa'laki untu' iNakke. Kota Yerusalem tenamo nalaniruntungi yareka tenamo nalaniancuruki.”

YEREMIA 36:2

“Angngalleko se're kitta' nigulung, siagang tulisiki lalang sikontu apa le'baka Kupau ri kau ri passala'na Israel siagang Yehuda, kammayatompa ri passala'na sikontu bansaya. Tulisiki sikontu kana-kanangKu appakkaramula ri uru-uru a'bicaraKu ri kau ri wattu pamarentahanna Karaeng Yosia sa'genna anne alloa.

YEREMIA 44:27

LaKuusahai sollanna anggappako cilaka siagang tena numate'ne, sa'gennu mate kabusu', baji' lanri pa'bundukang kammayatompa lanri garring.

YEREMIA 45:4

He Barukh! INakke, Batara, anruntung siagang ambangungi apa le'baka Kubangung, siagang ambi'buki apa le'baka Kulamung. Sikontu linoa Kupakamma ngasengi anjo.

YEHEZKIEL 21:19

“He tau, a'gambarakko rua oloang akkullea naolo karaeng Babel angngerangi pa'danna. Anjo ruaya oloang musti appakkaramulai cappa'na ri se're pa'rasangang; oloang se'rea a'lampa mangei ri Raba, kota Amon; anjo se'reanga pole a'lampa mangei ri Yerusalem, kota niaka pattahanganna ri Yehuda. Patabai papang pammatei oloang ri tampa'na appakkaramula appengka anjo oloanga.

YEHEZKIEL 23:36

Nakana Batara ri nakke, “He tau, sadia mako untu' angngadeli Ohola siagang Oholiba? Pakaingaki ke'nanga ri passala' kakodiang le'baka nagaukang ke'nanga.

HOSEA 6:5

Lanri kammana anjo Kusuromi battu na'bi-na'biKu untu' ampabattui mae ri kau kaputusangKu angkanaya musti nihukkung ngasengko siagang nipanrakiko. Apa Kukaerokia battu ri kau ngaseng a'nassami siagang singara'mi:

KATO'BA 3:3

wattu untu' ammuno siagang wattu untu' appamolle, wattu untu' anrumbang siagang wattu untu' ambangung.