YEHEZKIEL 8:12 - KITTA' MATANGKASA'

¹² Nakana Allata'ala ri nakke, “He tau, nuciniki apa nagaukang cokko-cokkoa sikamma pamimpinna tu Israel? Anynyombai ke'nanga lalang ri kamara' rassia siagang barhala; lanri nakana kalenna ke'nanga Kubokoimi anne pa'rasanganga siagang tenamo naKuciniki panggaukanna ke'nanga.”

YEHEZKIEL 8:12 Referans Kwoze

YESAYA 29:15

Cilakai tau eroka ancokkoi rancanana battu ri Batara! Appanggaukang cokko-cokkoi ke'nanga, nampa nakapang angkana tena manna sitau anciniki yareka angngassengi apa nagaukang ke'nanga.

YEHEZKIEL 9:9

Appiali Allata'ala angkana, “Tu Israel siagang tu Yehuda le'baki nagaukang dosa lompo dudua. Nagaukangi ke'nanga pammunoanga ri sikontu tampaka, siagang nara'massi Yerusalem lanri kaja'dallanna ke'nanga. Nakana ke'nanga angkana iNakke, Batara, Kubokoimi anne pa'rasanganga, sa'genna takkulleami Kucini' panggaukanna ke'nanga.

YEHEZKIEL 8:15

Akkuta'nangi Batara ri nakke angkana, “He tau, nuciniki anjo passalaka? Jai pole la'bi appakaringi'-ringikangnganga.”

EFESUS 5:12

Nasaba' anjo gau' cokko-cokkona ke'nanga, poro nibicara bawang nappakasiri'-siri'mo.)

PAMMUJI 10:11

Nakana nawa-nawana, “Nakaluppaimi Allata'ala na taNajampangia; tulusu' tenamo nalaNacinikka'!”

YEHEZKIEL 20:1

Ri tanggala' sampulo bulang lima, lalang taung makatuju ri wattu nipela'na ikambe, nia'mo siapa are pamimpinna tu Israel battu mae ri nakke untu' appala' pangngunju' battu ri Batara. Le'baki ammempo ri dallekangku,

YEHEZKIEL 14:1

Nia' siapa are jaina pamimping Israel battu mae ri nakke untu' ampakkuta'nangngangi ero'Na Batara.

YEHEZKIEL 8:17

Nakana Batara ri nakke, “He tau, nuciniki anjo mae? Anne tu Yehuda tenapa nasangga nasa'ring punna iaja anjo bawang apa appakaringi'-ringika nagaukang siagang panggaukang-panggaukang tenaya pangngamaseanna ri sikontu pa'rasanganga. Ba'lalo nagaukang tongi ke'nanga anrinni, lalang ri BallakKu siagang pila' natambai pole larroKu. Ciniki antekamma batena ke'nanga anghinA', ta'liwaka kodina.

YEHEZKIEL 8:11

Tujupulo pamimping tu Israel nia' anjoreng, kammayami Yaazanya ana'na Safan. Massing anna'galaki ke'nanga se're pa'dupang a'rumbua umbunna.

PAMMUJI 73:11

Nakana ke'nanga, “Tanaassengai Allata'ala, Kaminang Tinggia tena napahangi.”

PAMMUJI 14:1

Untu' pamimpin pakelong. Pammujina Daud. Tu toloa nakana ri pa'mai'na, “Tena Allata'ala.” Panggaukanna ke'nanga ja'dalaki siagang rantasaki tena nia' a'gau' baji'.

YESAYA 47:10

Nukana kalennu amangko lalang ri kaja'dallannu, nupikkiriki angkana tena niparhatikangi panggaukannu. Nipa'linguko ri kacara'dekannu siagang pangngassengannu, nukapangi angkana tena sangkammannu.

YEHEZKIEL 8:13

Nampa Nakana Batara ri nakke, “Lanuciniki pole ke'nanga nagaukang apa la'bi appakaringi'-ringika.”

ZEFANYA 1:12

Anjo wattua langngalleA' sulo, na Kuparessa kota Yerusalem. LaKuhukkungi pandudu'na tamanjampangia siagang nakanaya ganna'mi ri kalenna, siagang appikkirika angkanaya iNakke anne, Batara, tale'baKa' angngalle tindakang kamma anne yareka kamma anjo.

PAOLE 27:15

Tu Lewi: ‘Nitunrai tau appareka patung battu ri batu, kayu yareka bassi-bassiang, nampa nasomba accokko-cokko; Nakabirisi Batara panynyombanga ri barhala!’ Sikontu ra'yaka: ‘Aming’!

2 KARAENG-KARAENG 17:9

siagang nagaukangi apa-apa tenaya Napa'biangi Batara, Allata'alana ke'nanga. Ambangungi ke'nanga tampa'-tampa' panynyombang rewata ri sikontu kotana ke'nanga, baji' ri kota ca'dia kammayatompa ri kota lompoa.