YEHEZKIEL 7:5 - KITTA' MATANGKASA'

⁵ Iaminne Napaua Batara Kaminang Tinggia mae ri bansa Israel, “A'le'basaki balaya tuli labattu antujuko.

YEHEZKIEL 7:5 Referans Kwoze

NAHUM 1:9

Manna pole rancana apa nupare' angngewai Batara, ma'nassa lasalasako. Tena Nalapinruang a'balasa' mae ri musu-musunNa lanri larro boli'-boli'Na.

YEHEZKIEL 5:9

Lanri sikontu panggaukannu tenaya Kungai, laKuhukkungi pandudu'nu sangkamma heba'na tenayapa nale'ba' Kugaukang siagang tenaya nalaKugaukang ribokoanganna.

MATIUS 24:21

Ri wattu battuna anjo allo-allo appakamallaka labattumi susa lompo dudua, tenayapa nale'ba' kajariang baku' nia'na linoa, siagang tenayamo nalakajariang pole ribokoanganna.

AMOS 3:2

“Battu ri sikontu bansaya ri lino, ikaumi se're-se'rea bansa Kuassenga siagang Kuparhatikanga. Iaminjo saba'na nalompo dosanu, siagang ma'nassa laKuhukkung ngasengko.”

DANIEL 9:12

TindakanTa sicoco' le'baki apa le'baka Kipa'janjiang mae ri kambe siagang mae ri pamarentana ikambe. Le'ba'mi Kihukkung kota Yerusalem la'bi sannakkangngang nakota maraenga ri anne linoa.

PAOLE 32:35

LaNabalasaki siagang laNahukkungi ke'nanga, latu'guruki ke'nanga; a'reppese'mi kapanrakanna ke'nanga.

YEHEZKIEL 7:2

“He tau, iNakke, Batara Kaminang Tinggia, eroki Kupabattu anne mae ri butta Israel angkana: Iaminne kala'busanna riwaya'na sikontu anne pa'rasanganga!”

YEHEZKIEL 7:12

Tasalloami nanarapi' wattunna, a'reppese'mi allonna! Tau ammallia siagang tau a'baluka tanggappayami passawallang apa-apa, lanri sikontuna taua lanituju ngasengi ri hukkunganNa Allata'ala.

ZEFANYA 1:18

Ri anjo wattu allo hebaka, laNapa'nyatai larroNa Batara, na sikontu bulaenna siagang pera'na ke'nanga takkulleai ampasalamaki kalenna ke'nanga. Sikontu buttaya laancuruki assolong, nitunu ri pepe' kalarroanNa. Ti'ring laNabi'buki sikontu nyawa niaka ri tompo'na anne buttaya.

PANGNGEBARANG 13:21

Tau dorakaya tuli niondangi ri kacilakang, tau bajika tuli annarimai kate'neang.

PANGNGEBARANG 24:16

Saba', manna pole a'mole-mole tu'guru' tau lambusuka, tuli lambangung poleangi nai'. Mingka kabalekanna, tau ja'dalaka laancuruki nituju ri bala lompo.

YESAYA 21:12

Appialima' angkana, “Labattui bari'basaka, mingka bangngia pole. Punna erokko akkuta'nang, battu poleang mako akkuta'nang.”

YEREMIA 19:3

Musti akkana kamma' anne, “He sikamma karaenna Yehuda siagang pandudu'na Yerusalem! Pilangngeri eroka Kupau, iNakke Batara Kaminang Koasaya, Allata'alana Israel, angkanaya, lappabattuA' bala lompo mae ri anne tampaka, sa'genna ta'bangka tau allangngerekai.

YO"EL 1:15

A'reppese'mi AllonNa Batara, iamintu allo appakamalla'-mallaka; wattu appabattuna kaancurang Kaminang Makoasaya.