YEHEZKIEL 7:20 - KITTA' MATANGKASA'

²⁰ Riolo nakalompoang pa'maiki paramata ga'gana ke'nanga, mingka lanri napakena ke'nanga untu' appare' barhala-barhala appakaringi'-ringi', Napa'jarimi Batara anjo barang-barang kammaya appakamalla'-malla'.

YEHEZKIEL 7:20 Referans Kwoze

YEHEZKIEL 24:21

ampabattui anne pasanga mae ri kau ngaseng angkana; Ikau nukalompoang pa'maiki kakassakanna Balla'Na Batara. Nungai nucini' siagang angkunjungi, mingka laNara'massi Batara Balla'na. Siagang sikamma anggota kaluarganu loloa ija, ia niaka ija ammantang ri Yerusalem, lanibunoi lalang ri pa'bundukang.

YEREMIA 7:30

Nagaukammi tu Yehuda kaja'dallanga. Anjo barhala-barhalana ke'nanga tenaya Kungai naboliki ke'nanga lalang ri BallakKu, sa'genna nara'massi BallakKu.

YEHEZKIEL 9:7

Nakana Allata'ala ri ke'nanga, “Ra'massi anne BallakKu! Pirassi sikamma paranglakkenna siagang maya'. Appakkaramula mako!” Jari appakaramulami ke'nanga ambunoi sikamma tau niaka lalang ri kotaya.

YESAYA 64:11

Balla'Na Allata'ala matangkasaka siagang mala'birika tampa'na boe-boena ikambe mammuji-muji mae ri Katte, le'ba'mi niancuru' ri pepe'; Sikontu tampa' nangaia ikambe a'jarimi rumbangang.

HAGAI 2:3

“Nia' ijaka ri alla'nu angngu'rangi antekamma la'biri'na anne BallakKu pirangalloang? Kamma-kamma anne antekamma kaadaanna, turu' panggappanu? Sai tena sikali nabaji' pakkasiaka anciniki?

YEHEZKIEL 7:22

Tena apa-apa laKugaukang punna napanraki siagang narantassi BallakKu ri sikamma paellaka.

YEHEZKIEL 5:11

INakke Allata'ala mattallasaka, Batara Kaminang Tinggia, siagang iaminne kana-kanangKu: Lanri le'ba'namo nura'massi BallakKu siagang sikontu panggaukannu ja'dalaka siagang appakaringi'-ringika, jari laKuancurukko natena Kupammopporangko.

PIRAUNG 2:7

Nasorongbokoi tampa' pakkoro'bangngang matangkasa'Na, na Nabokoi Balla' KalenNa; Nalappassangi musua anruntungi tembo'-tembo'na. Ri tampatta riolo anynyomba siagang assua'-suara', napakemi musua ma'rannu-rannu lanri ammetana.

PIRAUNG 2:1

Nagaukangi Batara larroNa, nitongkoki Sion ri sassang. Kala'biranna Israel rapang langika tinggina, Napatappasa'mi naung ri buttaya. Ri wattu larroNa Batara, manna Balla'Na ri Sion taNajampangi.

PIRAUNG 1:10

Sikontu barang-baranna niallemi ri musu-musunna. Ba'lalo musti nacini'mi ke'nanga antama ri Balla'Na Allata'ala, panggaukang tenaya Nikellai ri Batara punna teai umma'Na.

YEREMIA 7:14

Jari, anne BallakKu nupattoanga, siagang anne tampa' Kupassareanga mae ri boe-boenu siagang mae ri kau, laKupakamma tongi kota Silo riolo.

PAMMUJI 50:2

Battu ri Sion, kota kaminang ga'gaya, ammumbai Allata'ala siagang cayaNa.

PAMMUJI 48:2

Tojeng, malompoi Batara siagang sanna' nipujina ri kota Allata'alata, ri bulu' matangkasaka.

EZRA 3:12

Jai ri sikamma imanga, tu Lewia, siagang kapala-kapala golongang toa duduamo umuru'na, le'baki nacini' Balla'Na Batara rioloa. Ri wattunna nacini' ke'nanga nipadongko' batu pundasina anne Balla'Na Batara, angngarru' lompomi ke'nanga. Mingka tumaraengannaya hadereka anjoreng ammarrang-marrangi napakamma sanna' rannuna.

2 PATTOTTORANG 36:14

Pantaranganna anjo, Balla'Na Batara le'baka Natangkasi Batara untu' KalenNa, nira'massi ri pamimping-pamimpinna tu Yehuda, imang-imanga, siagang ra'yaka, lanri amminawang turu'na todong ke'nanga anynyomba barhala siagang naturuki panggaukanna bansa-bansa dorakaya ri tammulilina ke'nanga.

2 PATTOTTORANG 2:9

sollanna jai kayu akkulle napasadia ke'nanga. Nasaba' anjo Balla'Na Batara eroka kubangung musti lompoi siagang la'biriki.

2 KARAENG-KARAENG 21:7

Gambara'na Dewi Asyera naboliki lalang ri Balla'Na Batara, padahala' ri passala'na anjo tampaka le'ba'mi Napau Batara mae ri Daud siagang ana'na iamintu Salomo angkana, “Anne BallakKu siagang anne kota Yerusalem, le'ba'mi Kupile battu ri alla'na daera sampuloa anrua suku Israel, iamintu tampa' le'baka Kupattantu a'jari tampa' panynyombang mae ri KalengKu.

2 KARAENG-KARAENG 21:4

Le'ba'mi Napau Batara angkanaya anjo Yerusalem tampa' kahaderanNa siagang tampa' panynyombang mae ri KalenNa; mingka anjoremmi, iamintu ri Balla'Na Batara le'ba' Manasye ambangung tampa'-tampa' pakkoro'bangngang untu' rewata-rewataya.

YEHEZKIEL 11:18

Punna ammotereki ke'nanga, lanapela' ngasengi ke'nanga barhala kodia siagang appakaringi'-ringika ia nabuntuluka ke'nanga.

YEHEZKIEL 23:38

Nampa tena naanjo bawang. Nara'massi tongi ke'nanga BallakKu siagang allo Pammari-marianga, le'baka Kupattantu.

HAKING-HAKING 8:24

Mingka nakanamo pole Gideon, “Se'reji bawang papalakku; sikontu anjo anting-anting nurampasaka battu ri musua, sareang ngasenga'.” (Biasana tu Midian ammakei anting-anting bulaeng; sangkamma todong tuniaka ammantang ri parang kassika.)

HAKING-HAKING 8:27

Iaminjo bulaenga napare' Gideon se're patung barhala. Nampa naboli' ri kamponna iamintu Ofra. Sikontu tu Israelka mange ngasemmi anjoreng anynyomba ri anjo patung barhalaya. Sa'genna tenamo najampangi Allata'ala, Batarana ke'nanga. Na iaminjo a'jari sanrapang sikko' mange ri Gideon siagang sikontu bija-bijanna.

YESAYA 30:22

Sikamma patung barhalanu nilapisika pera' siagang bulaeng, lanupelaki sangkamma loro, nampa nukana, “Bellako battu ri nakke!”

YEHEZKIEL 16:16

Sipa'gang pakeannu nupakei untu' ambelo-beloi tampa' panynyombanga mae ri barhalaya. A'jariko baine pasundala' siagang nupassareangi kalennu mae ri sikamma tu bura'nea.

YEHEZKIEL 16:19

Kusareko kanre-kanreang battu ri tarigu kaminang bajika, bani siagang minynya' zaitun kaminang tenaya bengkoro'na. Mingka kabusu'na anjo nupassareangi mae ri anjo barhalaya untu' ampakasannangi pa'mai'na ke'nanga. INakke, Batara Kaminang Tinggia, anne akkana.