YEHEZKIEL 7:17 - KITTA' MATANGKASA'

¹⁷ Tunggala' taua la'jari lamma kabusuki limanna siagang annekkereki kulantu'na.

YEHEZKIEL 7:17 Referans Kwoze

YEHEZKIEL 21:7

Punna akkuta'nang ke'nanga angkana angngapa nukkunrareng, paumi angkanaya si'nai pa'mai'nu lanri kabara' laniaka battu. Anjo kabaraka lanapannekkereki nyawana ke'nanga, lammai limanna ke'nanga, annekkereki kulantu'na siagang tappelaki sumanga'na. Tojeng, narapi'mi wattunna, na kabusu'na anjo lakajariang ngasemmi. INakke, Batara Kaminang Tinggia anne akkana.”

IBRANI 12:12

Lanri kammana, pakkassakangi anjo limannu lammaya siagang anjo kulantu'nu annekkereka!

YEHEZKIEL 22:14

Maka barani ijako yareka gassingijako untu' angngangkaki limannu ri wattunnu le'ba' Kuhukkung? INakke, Batara Kaminang Tinggia anne akkana, siagang laKupa'rupai apa le'baka Kupau.

YEREMIA 6:24

Nalangngere'na anjo kabaraka, naummi sumanga'na pandudu' Yerusalem. Nibattuimi ri malla', siagang sessami pakkasia'na ke'nanga rapang baine eroka ammana'.

DANIEL 5:6

A'jari pi'lasa'mi rupanna siagang lanri malla'na nannekkere'mo kulantu'na.

YEHEZKIEL 21:12

He tau, appiraungko siagang akkiokko! Lanri anjo pa'danga sadiai angngewai ummakKu. Sikamma pamimpinna Israel siagang sikontu bansaya lanicokai ri anjo pa'danga sa'genna panra'. Jari sappuru'mi barambannu lanri pacce,