YEHEZKIEL 7:15 - KITTA' MATANGKASA'

¹⁵ Ri agang-agang niaka ri kotaya nia' pa'bundukang, ri sikamma ballaka nia' garring siagang kacipurang. Inai mamo nia' ri pantaranganna kotaya lamatei lalang pa'bundukang, siagang ammantanga ri kotaya lamatei lanri garring siagang kacipurang.

YEHEZKIEL 7:15 Referans Kwoze

YEREMIA 14:18

Punna mangea' ri paranga, kuciniki maya'-maya'na tumatea lanri pa'bundukang. Kuciniki lalang ri kotaya kasessanga, tau a'biringa mate naalle cipuru'. Na'bia siagang imanga nagaukangi jama-jamanna natanassenga apa battuanna apa nagaukanga ke'nanga.”

YEHEZKIEL 5:12

Bage tallunna pandudu'nu lamatei passabakkang garring siagang bala kacipurang antujuai kotaya. Bage tallunna lamate nibunoi siagang pa'dang ri pantaranganna kotaya, nampa bage tallunna pole laKupasiaraki mange-mange siagang laKuondangi siagang pa'dang.

PIRAUNG 1:20

O Batara, Kiparhatikanga', lussaki na puccala' atingku, ancuruki lanri dorakaku le'ba' laloa. Ri sikamma aganga nia' pammunoang, lalang balla' nia' kamateang.

YEHEZKIEL 6:12

Lanakasia' ngasengi ke'nanga jallo'na kalarroangKu. Sikamma tau bellaya ri butta pammelakkanga latu'guru' garringi nampa mate; tau ambania lamatei lalang bundu', siagang la'binnaya lamate naallei garring.

YEHEZKIEL 6:11

Nakana Batara Kaminang Tinggia, “Si'na mako! Angngarrukko! Angngarrukko pacce pa'mai'nu lanri sikontu kaja'dallang siagang kakodiang le'baka nagaukang bansa Israel. Lamatei ke'nanga lanri pa'bundukang, kacipurang siagang garring.

YEHEZKIEL 12:16

Tena siapa jaina battu ri ke'nanga laKupasalama' battu ri pa'bundukanga, battu ri kacipuranga, siagang battu ri garringa, sollanna ri tangnga-tangngana anjo bansa maraenga, langngu'rangimi ke'nanga angkanaya le'baki ke'nanga a'gau' kodi sikali. Jari lamangakumi ke'nanga angkanaya iNakke Batara.”

PIRAUNG 4:9

Sessai ke'nanga na mate palang-palang, lanri tena sikalimo lanakanre; ia matea lalang pa'bundukang, la'bi upakkangngangi kala mate cipuruka.