YEHEZKIEL 48:35 - KITTA' MATANGKASA'

³⁵ Sikontu anjo temboka la'buna 9 kilometere'. Na appakkaramula anjo wattua anjo kotaya naaremmi taua: “BATARA NIAKI ANJORENG!”

YEHEZKIEL 48:35 Referans Kwoze

PAPPICINI' 21:3

Nampa nia'mo kulangngere' sa'ra lompo akkio' battu ri anjo empoang kala'biranga angkana, “Kamma-kamma anne nia'mi pammantanganNa Allata'ala ri tangnga-tangngana pammantanganna rupataua! Lattallasa'mi siagang ke'nanga, siagang la'jarimi ke'nanga umma'Na. KalenNa Allata'ala lania' ri tangnga-tangngana ke'nanga siagang la'jari Allata'ala mae ri ke'nanga.

ZAKHARIA 2:10

Nakana Batara, “Akkelongko ma'rannu-rannu he ikau pandudu'na Yerusalem! INakke lammantang ri tangnga-tangnganu!”

PAPPICINI' 22:3

Tena sikali lalang ri anjo kotaya apa-apa akkullea nataba pangngalarroiNa Allata'ala. Anjo empoang kala'biranNa Allata'ala siagang Ana' Gimbalaka niaki lalang ri anjo kotaya. Lanynyombami sikamma atanNa Allata'ala mae ri Allata'ala;

YEREMIA 33:16

Tu Yehuda siagang pandudu'na Yerusalem lanipasalamaki siagang laamangi lalang tallasa'na. Kota Yerusalem laniarengi ‘Batara Tumappasalamatta’.

YESAYA 12:6

Akkio' rannuko he pandudu'na Sion, akkelongko siagang rannu. Allata'ala matangkasa'na Israel, sanna' la'biri'na, ammantangi ri tangnga-tangnganu ngaseng.”

YEREMIA 3:17

Anjo wattua kota Yerusalem laniarengi ‘Empoang Kala'biranNa Batara’, siagang sikontu bansaya la'rappungi ri anjo kotaya untu' anynyomba ri Nakke. Tenamo nalanaturuki ero' kalenna ke'nanga ja'dalaka siagang kapala batua anjo.

YESAYA 24:23

La'jari sassangi bulanga siagang tenamo naccaya mataalloa, lanri Batara Kaminang Makoasaya ammarenta salaku Karaeng. Ia lammarentai ri Yerusalem, irate ri Bulu' Sion, siagang Napappicinikangi kalompoanNa mae ri sikamma pamimpinna umma'Na.

YESAYA 14:32

Apa lanipappialiang mae ri sikamma tunisuroa battu ri bansa Filistin? Lanikana ri ke'nanga angkana le'ba'mi Nabangung Batara kota Sion, siagang umma'Na sessaya lanijagai anjoreng.

YEHEZKIEL 35:10

Nupaui angkanaya baji' Yehuda kammayatompa Israel siagang buttana massing ikau pata, siagang angkanaya lanupatangi manna pole naiNakke, Batara, Allata'alana ke'nanga.

YEREMIA 23:6

Punna ammarentai, lasalamaki tu Yehuda, siagang tu Israel lattallasaki siagang amang. Anjo karaenga lanigallaraki ‘Batara Kasalamakkanta’.

YEREMIA 14:9

Angngapa Kisangkamma tau lingu; rapang tubarani tenaya nakkulle annulung? Mingka, mattantu niakKi' ri tangnga-tangngana ikambe, o Batara! Ikambe ummatTa, teaKi' bokoi!’ ”

PAMMUJI 132:14

Nakana, “Anrinnimi pammantangangKu sa'genna satunggu-tungguna, erokKa' ammarenta ri anne tampaka.

PAMMUJI 77:13

Erokka' angngu'rangi sikamma apa le'baka Kigaukang, nakunawa-nawa sikamma bate pare' hebatTa.

HAKING-HAKING 6:24

Appare'mi Gideon se're tampa' pakkoro'bangngang anjoreng, nampa naareng “Batara Kabattuanna Kasalamakkanga.” Anjo tampa' pakkoro'bangnganga nia' iji ri Ofra, iamintu ri kotana tu Abiezer.

KALAPPASSANG 17:15

Nampa appaentemmo Musa se're tampa' pakkoro'bangngang na naareng “Batarami Banderaku”.

KALAPPASSANG 15:26

Nakana Batara, “Mannuruki tojeng-tojeng mako mae ri Nakke, siagang gaukangi apa Kukanaya baji'; turuki sikamma parentaKu. Punna nugaukang anjo kammaya, tena nulaKuhukkung sangkamma garring le'baka Kupabattu mae ri tu Mesirka. INakkemi Batara ampamolleako.”

PA'JARIANG 22:14

Naaremmi Abraham anjo tampaka “Napasadiai Batara apa niparalluanga.” Na sa'genna kamma-kamma anne tuli nakanana taua “Irate ri bulu'Na Napasadiai Batara apa niparalluanga”.

ZAKHARIA 14:21

Sikontu panci niaka ri Yerusalem siagang ri sikontu Yehuda lanisa'laki nipakatangkasa' untu' Napatang Batara Kaminang Koasaya. Pandudu' angngeranga koro'bang passare lanapakei untu' ampallui dageng lanapassareanga. Punna battu sallang anjo wattua, tenamo nania' padanggang ri Balla'Na Batara Kaminang Koasaya.

PAMMUJI 68:18

Appulo sa'bu kareta kassa' Napake ammumba Allata'ala siagang sanna' mala'biri'Na ri alla'na ke'nanga.

PAMMUJI 48:14

Parhatikangi tembo'na, paressai tembo' pattahanganna, sollanna akkulle nucarita mae ri turungannu:

PAMMUJI 48:3

Sion, bulu'Na Allata'ala, ammenteng sassa' sanna' ga'gana kotaNa Karaeng Malompoa ampakarannui sikontu linoa.

PAMMUJI 46:5

Nia' lo'lorang je'ne' binanga ampakarannui KotaNa Allata'ala, tampa' pammantanganNa Allata'ala Kaminang Tinggia.

PAPPICINI' 3:12

Ia ammetaya laKupa'jari sanrapang benteng lalanga ri Balla' Matangkasa'Na Allata'alaKu, siagang lammantammi ri anjo tampaka sa'genna satunggu-tungguna. LaKutulisiki ri kalenna anjo taua arenNa Allata'alaKu, siagang areng kotaNa Allata'alaKu – iamintu Yerusalem berua, iamintu niaka naung battu ri suruga, battu ri Allata'alaKu. Kammayatompa, laKutulisi' tongi areng beruKu mae ri kalenna ke'nanga.

YEREMIA 8:19

Pilangngeri! Rassi sikontu pa'rasanganga piraunna bansaku akkuta'nang angkana, “Tenakami Batara ri Sion? Kemae karaenna kamma-kamma anne?” Appiali Batara, Karaenna ke'nanga, angkana, “Angngapa nusu'ju' ri rewata-rewataya ia tena sikalia matu-matunna? Angngapa nupa'risi nyawaKu lanri anynyombanu ri barhala-barhalaya?”

PAMMILANGNGANG 23:21

Tena kaja'dallang nicini' ri kalenna Yakub; tena kasukkarrang nicini' ri tu Israel. Batara, Allata'alana ke'nanga, anrurungangi ke'nanga. Akkio' rannui ke'nanga angkana: Iami Karaeng!

1 PATTOTTORANG 23:25

Nakanamo Daud, “Nasaremi Karaeng Allata'ala kasannangang umma'Na, siagang KalenNa nia'ki ammantang ri Yerusalem sa'genna satunggu-tungguna.

PAMMUJI 46:6

Ammantangi Allata'ala anjoreng, jari talapossokami anjo kotaya; laNatulungi ri wattu ammumbana alloa.

PAMMUJI 87:3

Pilangngeri, he kotaNa Allata'ala, apa-apa appakalannasa' Nakananga ri passala' ikau:

YEHEZKIEL 37:26

LapparekKa' parjanjiang siagang ke'nanga untu' ampattantui kaamangnganna ke'nanga sa'genna satunggu-tungguna. LaKubarakkaki ke'nanga siagang laKutambai jaina ke'nanga. LaKubangungi ri pa'rasanganna ke'nanga BallakKu, lammentenga anjoreng satunggu-tungguna.

YEHEZKIEL 37:28

Punna nia'mi BallakKu ri tangnga-tangngana ke'nanga untu' satunggu-tungguna, lanaassemmi bansa-bansa maraenga angkanaya iNakke, Batara, le'ba' ampilei Israel a'jari ummakKu.”

ZAKHARIA 8:3

LammoterekKa' mange ri Yerusalem, anjo kota matangkasakKu, nampa ammantang anjoreng. Laniassengi Yerusalem salaku kota tamamminraya, siagang bontoNa Batara Kaminang Koasaya lanigallaraki Bonto Matangkasa'.