YEHEZKIEL 48:10 - KITTA' MATANGKASA'

¹⁰ Ri bageang tangngana anjo buttaya lanibangungi Balla'Na Batara. Sikamma imanga musti anggappai bageang battu ri anjo daera matangkasaka. Bageanna ke'nanga iamintu 12,5 kilometere' battu ri biring iraya a'lampa kalau', siagang 5 kilometere' battu ri biring wara' a'lampa timboro'.

YEHEZKIEL 48:10 Referans Kwoze

YEHEZKIEL 45:4

Anjo tampaka matangkasaki, siagang nipasadiai untu' sikamma imang tugasaka anggaukangi ibadaya ri Balla'Na Batara. Sipa'gang battu ri anjo tampaka la'jari tampa' untu' balla'na ke'nanga, na sipa'gang pole untu' Balla'Na Batara.

YEHEZKIEL 44:28

Sikamma imanga natarimai anjo jama-jamang imanga salaku bageang ri apa Kupassareanga mae ri Israel siagang jari-jarina. Takkulleai ke'nanga ammallaki apa-apa ri Israel: INakkemi a'jari apa-apanna, napatanga ke'nanga.

MATIUS 10:10

Tea tongko angngerangi pammoneang passidakka, yareka pakeang ruang lawara', teako angngerangi sapatu yareka takkang. Nasaba' sikamma tau anjamaya tena tanisareanna kaparalluanna.

PA'JARIANG 13:14

A'lampanamo Lot, Nakanamo Batara ri Abram, “Battu ri antu tampa' nupammentengia, cinikimi baji'-baji' sikontu niaka attammulili;

YEHEZKIEL 48:9

Sipa'gang battu ri anjo daera nisa'laka untu' Batara, iamintu se're bageang ri tangnga-tangngana anjo pa'rasanganga, la'buna 12,5 kilometere' siagang sangkara'na 10 kilometere'.