YEHEZKIEL 47:8 - KITTA' MATANGKASA'

⁸ Nakana ri Nakke, “Anne binangaya a'lo'loro' anraiki ammalo anrinni ri pa'rasanganga siagang ammalo ka'bunna ri Binanga Yordan a'lampa mange ri Tamparang Matea. Punna battu je'ne'na antama ri Tamparang Matea, nasambeimi je'ne' tamparang ce'laya siagang je'ne' la'ba.

YEHEZKIEL 47:8 Referans Kwoze

YOSUA 3:16

ammantang memammi silalonna a'lo'loro' je'ne'na anjo binangaya. Bellai, irate ri bageang ulunna anjo binangaya, asse'remi je'ne'na ri Adam, iamintu se'reang kota niaka ammantang ri ba'leanna kota Sartan. Anjo je'ne' a'lo'loroka mange ri Tamparang Matea ammantang taba sikali, sa'genna akkullemo bansa Israel a'limbang irate ri butta kalotoroka assidallekanga siagang kota Yerikho. Anjo sikamma imang-imang ambulekai anjo Patti Parjanjianga tuli ammentenna ri tangnga-tangngana binangaya sa'genna battu ngaseng anta'le sikontu umma' Israel.

PAOLE 3:17

Ri bageang ilau', daerana ke'nanga narapiki sa'genna ri Binanga Yordan, battu ri Tamparang Galilea bageang wara' sa'genna ri Tamparang Matea ri bageang timboro', tulusu' sa'genna ri bangkeng Moncong Pisga ri bageang iraya.

PAOLE 4:49

siagang sikontu daera irayanganna Binanga Yordan timboro' sa'genna Tamparang Matea ri bangkenna Moncong Pisga.

YESAYA 43:20

Lanapakala'birikKa' olo'-olo' liaraka; lamammuji ri Nakke serigalaya siagang jangang-jangang untaya lanri Kupasolongi je'neka ri parang lompoa, siagang binanga-binangaya ri parang luaraka untu' assarei je'ne' ummakKu Kupilea.

YESAYA 35:7

Kassi' bambanga la'jari kollang, butta kalotoroka la'jari timbuseng je'ne'. Tampa' le'baka napammantangngi kongkong romang, lanipattimboi ri borong nipa siagang pandang.

MALEAKHI 1:11

NipakalompoA' ri sikamma bansa-bansaya ri sikontu linoa. Kere-keremae nitunui dupaya untu' ampakalompoi arengKu siagang nipassareangi sikamma koro'bang siratanga, ba'lalo sikontu bansaya napakalompoA'.

YEREMIA 31:9

A'jappai ke'nanga nammatti' je'ne' matanna, Kusaleori siagang Kururungangi ke'nanga. Kuerangi ke'nanga allalo ri tampa'-tampa' jaia je'ne'na, allalo ri agang lappara' tenaya nakkulle tatto'ro ke'nanga. INakke rapang mangge mae ri Israel; Efraim ana' bura'ne bungasakKu.”

YESAYA 35:1

Parang lompoa siagang butta kalotoroka larannui, bunga-bungaya lata'bakkaraki ri parang luaraka.

MATIUS 13:15

Nasaba' tattongko' ngasemmi pikkiranna ke'nanga anne, a'jari tamallangngerai tolinna na tatassungkea matanna. Kajariammi anne, sollanna taccinika matanna tallangngera tolinna, tammahanga pikkiranna, na taeroka ammotere' mae ri Nakke, nampa Kupa'jari baji' ngaseng ke'nanga.’ ”

YESAYA 49:9

Tau nitarungkua Kusuroi assulu'; tau niaka lalang ri sassanga Kuerangi mae ri singaraka. Ba'lalo manna ri bulu' a'gondoloka tena nalakakurangang ke'nanga, ri sikontu oloanna nia' sadia kanre.

KALAPPASSANG 15:25

Appala' doang dudumi Musa mae ri Batara. Nampa nipicinikiammo ri Batara sipolong kayu. Naallemi Musa anjo kayua nampa napasambila antama' ri je'neka, sa'genna a'jari la'ba anjo je'neka, nakkullemo niinung. Anjoremmi ri tampaka assare Batara paratorang-paratorang mae ri ke'nanga, siagang anjoreng tommi Naso'ri ke'nanga.

YESAYA 35:6

Tau pesoka la'lumpa'-lumpaki rapang jonga, tau pepea lakkio' rannui. Saba' timbuseng je'neka tassolommi ri parang luaraka, a'lo'loro'mi binangaya ri parang lompoa,

YOHANES 5:4

Nasaba' nia' wattunna nanaung malaeka'Na Batara ri anjo balanga anggoccangi je'ne'na. Na punna ta'goccang je'neka, inai-nai tau garring kaminang riolo naung ri anjo balanga, iami lammari garrinna, manna pole garring apa.