YEHEZKIEL 47:23 - KITTA' MATANGKASA'

²³ Sikamma pandudu' bansa maraenga musti nisare tongi butta siagang suku Israel ri tampa' napammantangia ke'nanga. INakke, Batara Kaminang Tinggia, anne akkana.”

YEHEZKIEL 47:23 Referans Kwoze

PAOLE 10:19

Jari ikau musti nupappicinikang tongi pangngamaseannu mae ri anjo bansa maraeng battu-battua, nasaba' ikau riolo a'jari tubattu-battu tonjako ri Mesir.

YEHEZKIEL 47:22

siagang anjo buttaya a'jarimi nupatang satunggu-tungguna. Ia bansa maraeng niaka ammantang tuli ri tangnga-tangnganu, nampa nia' ana'-ana'na lassu', musti anggappa tongi bageang battu ri anjo buttaya. Anjo ke'nanga musti nipare' sangkammai bansa Israel, siagang musti amminawang tongi nigoccang arenna ke'nanga untu' anggappa butta punna nibagei anjo buttaya ri suku-suku Israel.

YEHEZKIEL 48:1

Pa'baeng-baenna buttaya ri bageang wara' a'la'bu anraiki, appakkaramula battu ri Tamparang Tangngaya mange ri kota Hetlon, agang antamaya ri Hamat, kota Hazar-Enan, sa'genna mange ri pa'baeng-baenna kota Damsyik siagang kota Hamat. Suku-suku niaka nitappu irawa anne musti massing anggappai se're bageang battu ri butta iamintu luara'na battu ri pa'baeng-baeng bageang raya a'lampa kalau' sa'genna Tamparang Tangngaya; battu wara' a'lampa timboro' kammai anne susunna: Dan Asyer Naftali Manasye Efraim Ruben Yehuda