YEHEZKIEL 47:22 - KITTA' MATANGKASA'

²² siagang anjo buttaya a'jarimi nupatang satunggu-tungguna. Ia bansa maraeng niaka ammantang tuli ri tangnga-tangnganu, nampa nia' ana'-ana'na lassu', musti anggappa tongi bageang battu ri anjo buttaya. Anjo ke'nanga musti nipare' sangkammai bansa Israel, siagang musti amminawang tongi nigoccang arenna ke'nanga untu' anggappa butta punna nibagei anjo buttaya ri suku-suku Israel.

YEHEZKIEL 47:22 Referans Kwoze

KOLOSE 3:11

Kale'bakkanna allanynya'mi sikontu passimmaraenganna tu Yahudia siagang bansa-bansa maraenga, yareka tu nisunnaka siagang tu tenaya nisunnaki; tenamo passimmaraengang ri bansa battu-battua siagang tau bambalaka; tenamo passimmaraengang ri tu a'jari ataya siagang tu bebasaka; nasaba' Almasimi a'jari yangaseng-ngasenna. Asse're ngasemmi ke'nanga lalang ri Almasi!

EFESUS 3:6

Iaminne anjo rahasiaya: Passabakkang anjo Kabara' Bajika, para anggappami barakka'-barakka'Na Allata'ala bansa maraenga, siagang bansa Yahudia, iamintu barakka'-barakka' le'baka Napasadia Allata'ala; para a'jarimi ke'nanga anggota battu lalang ri tubu sangkammaya, siagang para natarima tommi ke'nanga apa Napa'janjianga Allata'ala tete ri Isa Almasi.

ROMA 10:12

Anne nataba ngasengi sikontu rupataua; nasaba' tena simmaraenna tu Yahudia siagang bansa-bansa maraenga. Anjo Allata'ala se'rea, Bataranai sikontu rupataua. Napassareangi barakka'Na alla'bia jaina mae ri sikamma tau appala' tulunga mae ri Ia.

LAMPA-LAMPANA 11:18

Nalangngere'namo anjo apa napabattua Petrus, tenamo nakkana-kana ke'nanga. Nampa ammuji-mujimo ke'nanga ri Allata'ala. Nakana ke'nanga, “Punna kamma, manna bansa maraenga nisare tommi oloang ri Allata'ala sollanna toba' ke'nanga battu ri dosa-dosana, nanapahang baji' katallassang sitojennaya!”

LAMPA-LAMPANA 15:9

Tena Napasimmara'-maraengki' Allata'ala siagang ke'nanga. Natangkasi atinna ke'nanga, lanri tappa'na ke'nanga.

YESAYA 14:1

LaNakamaseangi Batara Israel umma'Na, siagang Napilemi ke'nanga a'jari taunNa. LaNaboliki ammotere' ke'nanga ri pa'rasangang kalenna. Bansa maraenga labattu nampa asse're siagang ke'nanga.

PAOLE 10:19

Jari ikau musti nupappicinikang tongi pangngamaseannu mae ri anjo bansa maraeng battu-battua, nasaba' ikau riolo a'jari tubattu-battu tonjako ri Mesir.

YEHEZKIEL 47:21

Bagei anjo buttaya massing ri kau ngaseng, situru' suku-suku Israel;

YEHEZKIEL 47:23

Sikamma pandudu' bansa maraenga musti nisare tongi butta siagang suku Israel ri tampa' napammantangia ke'nanga. INakke, Batara Kaminang Tinggia, anne akkana.”

KAIMANGNGANG 19:34

Pasangkammai batenu appanggaukang mae ri ke'nanga siagang mae ri julu bansanu siagang kamaseangi ke'nanga sangkamma nukamaseanna batangkalennu. U'rangi angkanaya ikau le'ba' tonjako a'jari bansa tubattu-battu ri Mesir. INakke Karaeng Allata'alanu.

YEHEZKIEL 45:1

Ri tenanapa nibage-bagei anjo buttaya untu' a'jari butta pisaka mae ri tunggala' sukua, musti nisa'laki se're bageang untu' Batara. La'buna anjo tampaka musti 12,5 kilometere', siagang sangkara'na 10 kilometere'. Sikontu anjo tampaka nipa'jari matangkasaki.

YEHEZKIEL 48:29

Nakana Batara Kaminang Tinggia, “Kammami anjo carana nibage-bage buttaya mae ri suku-suku Israel.”