YEHEZKIEL 47:18 - KITTA' MATANGKASA'

¹⁸ Pa'baeng-baeng rayaiya a'lampa timboro', battu ri se'reang tampa' ri alla'na daera Damsyik siagang daera Hauran. Jari Binanga Yordan a'jari pa'baeng-baeng iamintu butta Israel biring ilau' siagang Gilead biring iraya, sa'genna mange ri Tamar ri biring tamparanna Tamparang Matea.

YEHEZKIEL 47:18 Referans Kwoze

PA'JARIANG 13:10

Nacinikimi Lot anjo daeraya na nacini'mo angkanaya sikontu Lappara'na Yordan sa'genna mange ri kota Zoar jai je'ne'na, sangkamma kokona Batara, yareka sangkamma butta Mesir. (Kammaminjo kaadaanna ri wattu tenanapa niancuruki kota-kota Sodom siagang Gomora ri Batara.)

AYUB 40:23

Tena sikali malla'na manna nasanna' sarrinna lo'loro'na Binanga Yordan, tuli sannanna manna pole nituju rupanna ri je'ne'.

HAKING-HAKING 10:8

Sampuloi assagantuju taung sallona anjo ruaya bansa anjallakkang ngasengi tu Israelka ri Gilead, iamintu daera tu Amori irayanganna Binanga Yordan. Nasessa ta'liwa'-liwa'mi ke'nanga tu Israelka.

PAMMILANGNGANG 32:1

Suku-suku Ruben siagang Gad teai sipato' jaina olo'-olo' piarana. Ri wattunna nacini' ke'nanga antekamma baji'na butta Gilead siagang Yaezer untu' nipammarakai olo'-olo',

PA'JARIANG 31:47

Naaremmi Laban anjo pattambunganna batua Yegar-Sahaduta, nampa Yakub naarengi Galed.

PA'JARIANG 31:23

Napa'rappungammi sikamma taunna Laban, nampa a'lampa siagang ke'nanga mange angngondangi Yakub. Tuju allo sallona nampa akkulle narapi' ke'nanga ri daera Moncong Gilead.

PA'JARIANG 13:11

Kale'bakkanna iaminjo sikontu Lappara'na Yordan napilei Lot. Jari a'lampami mange ri bageang iraya. Kammaminjo nasisa'la'mo anjo tau ruaya.

PA'JARIANG 37:25

Ri wattunna angnganre ke'nanga, ti'ring nia'mo nacini' ke'nanga siapa are jaina tu Ismael lalang pa'jappang battu ri Gilead mange ri Mesir. Sikamma untana ke'nanga angngerangi rampa-rampa siagang kismis.

PAMMILANGNGANG 34:10

Ri bageang iraya, anjo pa'baeng-baenga appakkaramulai battu ri Hazar-Enan mange ri Sefam.

YEREMIA 50:19

LaKupoterangi tu Israel mange ri pa'rasanganna ke'nanga. Langnganrei ke'nanga battu ri wassele' buttana Bulu' Karmel siagang daera Basan. Lanipakabassoroki ke'nanga battu ri wassele' buttana daera Efraim siagang Gilead.

YEHEZKIEL 47:16

mange ri Berota siagang Sibraim (kota-kotaya anjo ri alla'nai kota Damsyik siagang kota Hamat pammantanganna), nampa mange ri kota Hazar-Enan, ri pa'baeng-baenna kota Hauran.

YO"EL 2:20

Anjo pasukang katimbang niaka battu wara' laKubongkai, sipa'gang Kuondangi mange ri parang kassika. Mange ri Tamparang Matea laKulusuru' barisang ri dallekang, mange ri Tamparang Tangngaya Kusorong barisang ri bokoanna. La'rasai sikamma bakkena. Kuancuruki ke'nanga lanri le'ba'na ke'nanga ansessa ngasengko.