YEHEZKIEL 47:10 - KITTA' MATANGKASA'

¹⁰ Battu ri timbuseng-timbuseng je'ne' ri En-Gedi sa'genna timbuseng-timbuseng je'ne' En-Eglaim, biring-birinna lasuaraki napakamma paboya juku' angngalloi jalana anjoreng. Sangka' rupa juku' lania' lalang ri anjo je'neka, sangkamma niaka ri Tamparang Tangngaya.

YEHEZKIEL 47:10 Referans Kwoze

MATIUS 4:19

Nakanamo Isa ri ke'nanga, “Maeko amminawang ri Nakke. LaKuajarakko a'jari sanrapang pajala tau.”

PAMMUJI 104:25

Ciniki tamparang luara' takka'ranga, siagang apa-apa lompo ca'dia tanikulle nirekeng.

PAMMILANGNGANG 34:6

Tamparang Tangngaya a'jari pa'baeng-baenna pa'rasangannu ri bageang ilau'.

MARKUS 1:17

Nakanamo Isa ri ke'nanga, “Amminawangko ri Nakke. LaKuajarakko a'jari sanrapang pajala tau.”

YEHEZKIEL 48:28

Timboranna butta' Gad iamintu pa'baeng-baeng appakkaramulaya battu laukanna Tamar allalo ri timbuseng je'ne' Kades-Meriba, nampa mange kalau' ri pa'baeng-baenna Mesir sa'genna Tamparang Tangngaya.

YEHEZKIEL 47:15

Pa'baeng-baeng bageang waraka appakkaramulai battu ri Tamparang Tangngaya a'lampa anrai' sa'genna kota Hetlon, mange ri Hamat, tulusu' mange ri kota Zedad,

2 PATTOTTORANG 20:2

Nabattumo taua ampabattui anne kabaraka mae ri Karaeng Yosafat angkana, “Nia' battu sanna' jaina tantara Edom, battu ri ba'leanna Tamparang Matea, untu' ambundukiki'. Le'ba'mi nabeta ke'nanga Hazezon-Tamar.” (Hazezon-Tamar iamintu areng maraenna En-Gedi.)

YEHEZKIEL 26:5

Sikamma paboya jukuka lanaalloi jalana ke'nanga irate ri anjo batua. INakke, Batara Kaminang Tinggia anne akkana. Tirus lanilappoi ri jaia bansa.

YESAYA 49:20

Ana'-ana' lassuka ri pa'rasangang maraeng lanakana ri kau, ‘Anne pa'rasanganga seppa' dudui ri nakke, sarea' tampa' sollangku akkulle ammantang anrinni.’

YESAYA 49:12

Battu bellai ummakKu para battu, battu wara', battu lau' siagang battu ri kota Sinim bageang timboro'.”

1 SAMUEL 23:29

Battu anjoreng a'lampami Daud mange ri daera En-Gedi, nampa accokko ri kali'bong-kali'bonga.

YOSUA 23:4

Buttana bansa-bansaya niaka ija ammantang, kammayatompa buttana sikontu bansa le'bakamo kubeta, iamintu butta takka'ranga battu iraya ri Binanga Yordan tulusu' kalau' sa'genna ri Tamparang Tangngaya, le'ba' kabusu'mi kubage-bage mae ri kau untu' a'jari pisakanu.

PA'JARIANG 14:7

Le'baki anjo ammotere'mi pole anjo tau angngondanga mange ri En-Mispat, ia niarenga Kades kamma-kamma anne. Nakoasaimi ke'nanga sikontu butta Amalek, kammayatompa nabetami ke'nanga tu Amori niaka ammantang ri Hazezon-Tamar.

1 SAMUEL 24:1

Ri wattunna beru ammotere' Saul battu ri pa'bundukanga angngewai tu Filistin, anggappami kabara' angkanaya niaki Daud ri parang lompoa ri ampi'na En-Gedi.

YESAYA 19:8

Sikamma paboya jukuka, ia biasaya anjakkala' juku' ri anjo binangaya lakkunrarengi siagang lappiraungi lanri tenamo matu-matunna pekanna siagang jalana ke'nanga. Sikamma patannunga tappu' minasami;

YEHEZKIEL 26:14

Ia Kusesaya se're mami batu kalotoro', tampa'na sikamma paboya jukuka angngalloi jalana ke'nanga. Anjo kotaya talanibangungami ammotere'. INakke, Batara Kaminang Tinggia, anne akkana.”

YEHEZKIEL 47:19

Pa'baeng-baeng bageang timboro' a'lampa kalau', battu ri Tamar mange ri timbuseng je'ne' Kades-Meriba, nampa kalau' ri pa'baeng-baenna Mesir sa'genna Tamparang Tangngaya.