YEHEZKIEL 46:9 - KITTA' MATANGKASA'

⁹ Kabalekanna, punna ri allo-allo lompoa nabattu ra'yaka untu' anggaukangi ibadaya mae ri Batara, battu ri pakke'bu' lompo bageang waraki ke'nanga angngolo antama, nampa punna ammotere' musti pakke'bu' lompo bageang timboroka naolo punna le'ba' ke'nanga anggaukangi ibadaya. Na ia ke'nanga antamaya battu ri pakke'bu' lompo bageang timboroka, punna ammotereki musti pakke'bu' lompo bageang waraka naolo. Tena nipa'biangi taua angngolo ri oloang naoloa wattunna antama; musti ammotereki ke'nanga battu ri oloang ba'leanna.

YEHEZKIEL 46:9 Referans Kwoze

PAOLE 16:16

Sikontu tu bura'ne Israelka musti battui anynyomba ri Karaeng Allata'alanu ri anjo tampa' ibadaya pintallung lalanna sitaung, iamintu ri Allo Lompo Paskaya, ri Allo Lompo Pakkattoanga siagang ri Allo Lompo Pa'ballakang Leko'-leko' Kayua. Tunggala' taua musti angngerangi passare,

PAMMUJI 84:7

Lalang a'jappana ke'nanga numalo ri Ka'bung Baka, napinrai anjo tampaka a'jari timbuseng je'ne', uru bosia angngerang barakka' alla'bi-la'bi.

KALAPPASSANG 34:23

Lalanna sitaung musti battui pintallung sikamma tubura'-bura'nea anynyomba mae ri Nakke, Karaeng Allata'alana Israel.

IBRANI 10:38

Na ia ummakKu annabaya latappa'mi siagang lattallasa'mi; mingka punna nia' ri ke'nanga lammono'boko, tasannangai pa'maikKu mae ri ia.”

MALEAKHI 4:4

U'rangi sikamma pangngajaranna atangKu Musa, u'rangi sikamma hukkung siagang parenta-parenta Kupassareanga ri ia ri Moncong Sinai untu' nituruki ri sikontu umma' Israel.

YEHEZKIEL 1:17

Lanri kammana anjo, anjo roda-rodaya akkullei a'lampa mange ri appaka sulapa'.

YEHEZKIEL 1:12

Massing-massing anjo apa attallasaka a'dalle' mangei ri appaka sulapa' appada-pada, sa'genna akkulle ke'nanga a'lampa manna kemae situru' nakaerokia ke'nanga na tanagilinga kalenna ke'nanga.

YEHEZKIEL 8:14

Nampa nieranga' a'lampa mange ri pakke'bu' lompo bageang wara'na Balla'Na Batara siagang Napicinikiamma' sikamma bai'-baine angkarrukiai kamateanna Rewata Tamus.

YEHEZKIEL 40:24

Nampa, anjo tu bura'nea naeranga' mange ri pakke'bu' lompo bageang timboro' nampa naukkuru'. A'nassami angkanaya anjo pakke'bu' lompoa sangkammai ukkuranna siagang pakke'bu' lompo maraenga.

MIKHA 6:6

Apaka musti nipassareang mae ri Batara, Allata'ala ri suruga, punna battuki' mange anynyomba ri Ia? Mustika angngerangki' sapi rungka kaminang bajika untu' nipassareang salaku koro'bang nitunu mae ri Ia?

YEHEZKIEL 36:38

Kota-kota ancuruka kamma-kamma anne, larassi bonena sallang sangkamma Yerusalem ri allo-allo passua'-suarrang ri allo allaloa, rassi siagang gimbala' eroka nipassareang. Jari nuassemmi angkanaya iNakke Batara.”

YEHEZKIEL 44:24

Punna nia' passisala-salang lanri parkara hukkung, musti napakabajiki ke'nanga situru' hukkung-hukkungKu. Musti napakalompoi ke'nanga allo lompo agamaya, situru' atorang-atorangKu siagang hukkung-hukkungKu, kammayatompa napakalompoi allo Pammari-marianga salaku allo nisa'laka untu' iNakke.