YEHEZKIEL 46:7 - KITTA' MATANGKASA'

⁷ Tunggala' sapi lakia siagang bembe lakia musti nipassareangi siagang gandung 17,5 litere', tunggala' ana' gimbala' musti nipassareangi siagang gandung, siapa-siapa mamo jaina situru' nakaerokia. Tunggala' koro'bang gandunga musti nipasiagangi tallu litere' minynya' zaitun.

YEHEZKIEL 46:7 Referans Kwoze

YEHEZKIEL 46:5

Siagang anjo gimbala' lakia musti nipassareang tongi koro'bang gandung iamintu 17,5 litere', nampa tunggala' ana' gimbalaka musti nipassareang tongi siagang gandung situru' nikaerokia. Tunggala' koro'bang gandunga musti nirurungangi siagang passare tallu litere' minynya' zaitun.

KAIMANGNGANG 14:21

Punna kasi-asi anjo taua siagang tena pakkullena, akkullei angngerang sikayumo bawang ana' gimbala' laki untu' koro'bang passambe karugiang, a'jari koro'bang nipatala mae ri Batara. Pantaranganna anjo sikilo labu' nipasileoka siagang minynya' zaitun untu' koro'bang nipatala, siagang bage tallunna silitereka minynya' zaitun.

PAMMILANGNGANG 28:11

Ri pakaramulanna tunggala' bulanga musti nipassareangi mae ri Batara koro'bang nitunua iamintu ruang kayu sapi laki rungkaya, sikayu gimbala' laki, tuju kayu ana' gimbala' laki umuru' sitaunga, massing tenaya ngaseng callanna.

PAOLE 16:17

situru' pakkullena, situru' jaina dalle' Napassareanga Karaeng Allata'alanu mae ri ia.”

YEHEZKIEL 46:11

Ri allo-allo lompoa siagang passua'-suarranga, sikamma sapi lakia siagang gimbala' laki nipassareanga musti nipasiagangi siagang gandung 17,5 litere', kammayatompa tunggala' ana' gimbalaka siapa-siapa situru' ero'na tau anggaukangai ibadaya. Tunggala' koro'bang gandunga musti nipasiagangi siagang passare minynya' zaitun iamintu tallu litere'.

YEHEZKIEL 45:24

Pantaranganna anjo, musti nipassareang tongi gandung 17,5 litere' untu' tassikayua sapi laki, siagang 3 litere' minynya' zaitun untu' tassikayua gimbala' laki.