YEHEZKIEL 46:5 - KITTA' MATANGKASA'

⁵ Siagang anjo gimbala' lakia musti nipassareang tongi koro'bang gandung iamintu 17,5 litere', nampa tunggala' ana' gimbalaka musti nipassareang tongi siagang gandung situru' nikaerokia. Tunggala' koro'bang gandunga musti nirurungangi siagang passare tallu litere' minynya' zaitun.

YEHEZKIEL 46:5 Referans Kwoze

YEHEZKIEL 45:24

Pantaranganna anjo, musti nipassareang tongi gandung 17,5 litere' untu' tassikayua sapi laki, siagang 3 litere' minynya' zaitun untu' tassikayua gimbala' laki.

YEHEZKIEL 46:7

Tunggala' sapi lakia siagang bembe lakia musti nipassareangi siagang gandung 17,5 litere', tunggala' ana' gimbala' musti nipassareangi siagang gandung, siapa-siapa mamo jaina situru' nakaerokia. Tunggala' koro'bang gandunga musti nipasiagangi tallu litere' minynya' zaitun.

PAOLE 16:17

situru' pakkullena, situru' jaina dalle' Napassareanga Karaeng Allata'alanu mae ri ia.”

PAMMILANGNGANG 28:12

Salaku koro'bang nipatala musti nipassareang tongi labu' nipasileoka siagang minynya' zaitun; tallu kilo labu' untu' tassikayua sapi laki; rua kilo labu' untu' gimbala' lakia,

PAMMILANGNGANG 6:21

Iaminjo paratoranga untu' tau attinjaka; mingka punna nia' tau attinja' a'janji koro'bang alla'bi ri tinja'na, musti narupai siganna'na anjo apa napa'janjianga.

KAIMANGNGANG 14:21

Punna kasi-asi anjo taua siagang tena pakkullena, akkullei angngerang sikayumo bawang ana' gimbala' laki untu' koro'bang passambe karugiang, a'jari koro'bang nipatala mae ri Batara. Pantaranganna anjo sikilo labu' nipasileoka siagang minynya' zaitun untu' koro'bang nipatala, siagang bage tallunna silitereka minynya' zaitun.