YEHEZKIEL 46:20 - KITTA' MATANGKASA'

²⁰ na nakana, “Ri anne tampaka sikamma imanga musti napallu koro'bang pannangkasi dosaya siagang koro'bang passambe karugianga kammayatompa nalangga gandunga, sollanna manna sike'de' anjo koro'bang matangkasaka tena nanierangi assulu' ri paranglakkeng bageang pantaraka sa'genna nabalai ra'yaka.”

YEHEZKIEL 46:20 Referans Kwoze

2 PATTOTTORANG 35:13

Nampa nalangga tu Lewi anjo koro'bang Paskaya irate ri pepeka, situru' paratoranga; siagang napallui koro'bang-koro'bang nisa'laka lalang ri pamaja', lalang ri uring lompo, lalang ri uring butta, nampa nibage linta' dagenna mae ri taua.

YEHEZKIEL 44:29

Katallassanna ke'nanga iamintu musti battu ri gandung passarea, koro'bang pannangkasi dosa, siagang koro'bang passambe karugiang; sikontu-kontuna apa nipassareanga mae ri Nakke, musti nisareangi ke'nanga.

YEHEZKIEL 44:19

Punna a'lampai ke'nanga assulu' ri paranglakkeng pantaranga, iamintu tampa' pa'rappunganna ummaka, anjo imang-imanga musti nasungkei pakeang dinasa'na ke'nanga ilalang ri kamara'-kamara' matangkasaka ri BallakKu, nampa ammake pakeang maraeng, sollanna anjo pakeang matangkasaka tena nabalai ummaka.

YEHEZKIEL 46:21

Nampa naeranga' mange ri paranglakkeng bageang pantaraka, siagang napicinikiang ngasenga' angkanaya ri appaka panyingkulu'na massing nia' paranglakkeng la'bi ca'diangngang, la'buna 20 metere' siagang sangkara'na 15 metere'.

ZAKHARIA 14:20

Ri anjo alloa laniukiriki giring-giring niaka ri pakeanna jaranga iamintu kana-kana kammaya anne, “Nisa'laki nipakatangkasa' untu' Batara”. Sikamma panci-panci niaka ri Balla'Na Batara lanianggaraki sangkamma mangko'-mangko' passarea ri dallekanna tampa' pakkoro'bangnganga.

KALAPPASSANG 29:31

Allei anjo dagenna gimbala' laki nipakea lalang upacara palantikanna Harun siagang ana'-ana'na nampa nupallu anjo dagenga ri se'rea tampa' matangkasa'.

KAIMANGNGANG 2:1

Punna nia' tau assare koro'bang nipatala mae ri Batara, anjo koro'banga musti a'rupa labu' kaminang bajika, ia nitirikia siagang minynya' zaitun siagang nisarea kamanynyang rateanna.

KAIMANGNGANG 2:3

La'binna anjo koro'bang nipatalaya iaminjo bageanna sikamma imanga. Anjo koro'banga teai sipato' tangkasa'na lanri niallei battu ri kanre le'bakamo nipassareang mae ri Batara.

KAIMANGNGANG 2:10

La'binnaya, iaminjo bageanna sikamma imanga. Anjo rotia teai sipato' tangkasa'na lanri niallei battu ri kanre le'bakamo nipassareang mae ri Batara.

YEHEZKIEL 46:24

Nakana anjo tu bura'nea ri nakke, “Iaminne pappalluang-pappalluang tampa'na palayang-palayanna Balla'Na Batara ampallui koro'bang-koro'bang passarena ra'yaka.”