YEHEZKIEL 46:16 - KITTA' MATANGKASA'

¹⁶ Batara Kaminang Tinggia Napassareangi anne parentaya angkana, “Punna nia' patugasa' pamarenta ampassareangi sipa'gang butta pisakana mae ri kalase'renna ana' tu bura'nena, anjo buttaya a'jarimi buttana ana' bura'nena siagang anjari barang kaluarga.

YEHEZKIEL 46:16 Referans Kwoze

2 PATTOTTORANG 21:3

Jai sikali nagappa ke'nanga bulaeng, pera' siagang barang-barang lompoa anggaranna maraenga battu ri manggena ke'nanga; siagang massing nisare tongi ke'nanga kota niaka pattahanganna ri Yehuda. Mingka lanri Yehoram ana' bura'ne kaminang toa, iami nipattantu ri Yosafat untu' a'jari karaeng.

GALATIA 4:7

Jari, teai mako ata, passangalinna ana' mako. Na lanri ana'Na mako Allata'ala, laNasareang ngaseng mako sikontu apa-apa le'baka Napasadia untu' ana'-ana'Na.

LUKAS 10:42

Sikontutojenna nia' se're passala' la'bi parallu. Na iaminjo se'rea, sannaka baji'na siagang sannaka paralluna le'ba' napilei Maria, tenaya nalatappela'!”

MATIUS 25:34

Nampa laNakana anjo Karaenga mae ri anjo tau niaka ri sa'ri kananNa, ‘Mae ngaseng mako kau tu nibarakkakia ri ManggeKu. Antama' mako ri Tampa' le'baka nipasadiang memangko ri uru nia'na linoa.

PAMMUJI 37:18

Najagai Batara katallassanna tu bajika, barang pisakana ke'nanga sa'genna satunggu-tungguna.

YEHEZKIEL 45:7

Untu' patugasa' pamarentaya musti nipasadiang tongi tampa'. Anjo tampaka a'la'baki battu ri pa'baeng-baeng bageang lau'na tampa' nisa'laka untu' Batara, sa'genna mange ri Tamparang Tangngaya, siagang battu ri pa'baeng-baeng bageang rayana anjo tampa' nisa'laka untu' Batara sa'genna pa'baeng-baeng irayana anjo pa'rasanganga. Jari la'buna sangkammai siagang la'buna tampa' nipassareanga mae ri kalase'renna suku-suku bansa Israel.