YEHEZKIEL 46:13 - KITTA' MATANGKASA'

¹³ Nakana Batara, “Tunggala' allo ri wattu bari'basa', sikayu ana' gimbala' umuru' sitaunga siagang tenaya caca'na musti nipassareangi untu' koro'bang nitunu mae ri Batara.

YEHEZKIEL 46:13 Referans Kwoze

YESAYA 50:4

Batara Kaminang Tinggia angngajarakka' a'bicara, sollanna akkulle kanangku ampakajarreki tau la'baya pa'mai'na. Tunggala' bari'basa' Napabangungi erokku untu' ampilangngeri ajaranNa mae ri nakke.

PAPPICINI' 13:8

Anjo olo'-oloka lanisombai ri sikontu tau attallasaka ri lino, pantaranganna tau le'bakamo nitulisi' arenna ri wattu tenanapa nipa'niaki linoa, lalang ri kitta' katallassanNa anjo Ana' Gimbala' le'baka nisamballe.

YOHANES 1:29

Ammukona, nia'mi Isa nacini' Yohanes battu mae ri ia. Nakanamo Yohanes, “Cini'mi, Iaminjo Ana' Gimbala'Na Allata'ala, antangkasiai dosana bonena linoa.

PAMMUJI 92:2

Tamaka baji'na appala' sukkuruka mae ri Katte, o, Batara, siagang mammuji ri Katte, Allata'ala Kaminang Tinggia;

PAMMILANGNGANG 28:10

Anjo koro'bang nitunua musti nipassareangi tunggala' allo Pammari-mariang salaku tambanna koro'bang tunggala' alloa siagang ngaseng koro'bang je'ne' anggoro'na.

KAIMANGNGANG 12:6

Punna le'ba'mo wattu pannangkasina, baji' lanri le'ba'na allassukang ana' bura'ne yareka ana' baine, anjo bainea musti angngerangi passare mange ri imanga ri dallekang pakke'bu' KemaNa Batara. Anjo passarea iamintu sikayu ana' gimbala' umuru' sitaunga untu' koro'bang nitunu, siagang sikayu jangang-jangang bodobangkeng rungka yareka bukkuru' rungka untu' koro'bang pammopporang dosa.

KALAPPASSANG 12:5

Akkullei nupile gimbalaka yareka bembea, mingka musti lakia, umuru' sitaung, siagang tenaya callanna.