YEHEZKIEL 45:17 - KITTA' MATANGKASA'

¹⁷ Iami musti ammalli olo'-olo' untu' koro'bang nitunu siagang bahang-bahang untu' koro'bang gandung siagang koro'bang anggoro' untu' sikontu bansa Israel ri allo-allo lompoa, iamintu allo lompo Bulang Beru, allo Pammari-mariang, siagang allo lompo maraengannaya. Musti appasadiai koro'bang untu' pammopporang dosa, koro'bang gandung, koro'bang nitunu, siagang koro'bang passiamakkang untu' appala' popporo' lanri ri dosana bansa Israel.”

YEHEZKIEL 45:17 Referans Kwoze

YESAYA 66:23

Tunggala' Bulang Beru siagang allo Pammari-marianga labattui sikontu umma' rupataua untu' anynyomba ri Nakke ri Yerusalem.

2 PATTOTTORANG 31:3

Battu ri olo'-olo' piara kalenna karaenga, assaremi karaenga sumbangang niparalluanga untu' koro'bang bari'basa' karuenga siagang koro'bang nipassareanga ri allo Pammari-marianga, ri Allo Lompo Bulang Berua, siagang ri allo-allo lompo maraengannaya, kammayami le'baka nipattantu lalang ri hukkung-hukkunNa Batara.

IBRANI 13:10

Ikatte nia' tampa' pakkorobangnganta untu' assare koro'bang mae ri Allata'ala. Na anjo imang-imang allayania lalang ri KemaNa Batara, tena ha'na angkanrei anjo koro'bang niaka irate ri anjo tampa' koro'banga.

YEHEZKIEL 43:27

Punna le'ba' anjo tuju alloa, sikamma imanga musti appakkaramulai assare irate ri anjo tampa' pakkoro'bangnganga iamintu koro'bang nitunu siagang koro'bang pappasiamakkang untu' ummaka. Jari lasannangi nyawaku mae ri kau ngaseng. INakke, Batara Kaminang Tinggia, anne akkana.”

2 PATTOTTORANG 30:24

Anynyumbammi Karaeng Hizkia 1.000 sapi laki siagang 7.000 gimbala'. Pagawe-pagawena Hizkia assare todong sumbangang 1.000 sapi laki siagang 10.000 gimbala'. Sikontu anjo olo'-oloka nipassareangi mae ri ra'yaka untu' nipolong nampa nikanre. Sanna' jaina imang antangkasi kalenna.

1 PETRUS 3:18

Nasaba' le'ba'mi sikali mate Almasi untu' satunggu-tungguna passabakkang dosana rupataua; Ia tena salanna mingka matemi untu' tau salaya. Nagaukammi Almasi kammaya anjo sollannu akkulle Narurungang ngaseng mae ri Allata'ala. Nibunomi tubuNa, mingka nipattallasa' poleammi ammotere' katallassang rohaniNa.

1 PETRUS 2:24

KalenNa Almasi ampisangi sikontu dosa-dosata irate ri kayu sallika, sollanta akkulle bebasa' battu ri kakoasanna dosaya, siagang nakiattallasa' situru' ero'Na Allata'ala. Loko'-loko'Nami Almasi ampamolleko ri garrinnu.

IBRANI 13:15

Lanri kammana, tete ri Isa, paralluki' tuli mammuji-muji ri Allata'ala; iaminjo a'jari koro'bang sukkurutta mae ri Ia, nipassareanga lalang kana-kana nipaua untu' ampakala'biriki arenNa.

KOLOSE 3:17

Sikontu apa nugaukanga yareka nupaua, musti nugaukangi siagang nupaui lalang arenNa Batara Isa. Appala' sukkurukko mae ri Allata'ala Manggea lanri apa le'baka Nagaukang Isa untu' ikau.

EFESUS 5:2

Paralluko attallasa' lalang ri pangngamaseanga, sangkamma todong Almasi mangngamaseangi mae ri katte. Nakoro'bangkangi KalenNa untu' ikatte, a'jari passare siagang koro'bang mabau', Nakarannuanga atinNa Allata'ala.

YOHANES 1:16

Lompoi ri pangngamaseang; tena le'bakai ammari, assare barakka' ri katte.

PAMMUJI 68:18

Appulo sa'bu kareta kassa' Napake ammumba Allata'ala siagang sanna' mala'biri'Na ri alla'na ke'nanga.

PAMMUJI 22:29

Nasaba' Batarayami makoasa, Ia ammarenta mae ri bansa-bansaya.

EZRA 1:5

Nampa sikamma imang kapalaya battu ri golongang suku Yehuda siagang Benyamin, sikamma imanga siagang tu Lewia, kammayatompa sikamma tau nipagioka nyawana ri Allata'ala, apparuru ngasemmi untu' ammotere' mange ri Yerusalem, ambangungi Balla'Na Batara ammotere'.

2 PATTOTTORANG 5:6

Karaeng Salomo siagang sikontu ra'ya' Israel asse'rei ri dallekanna anjo Patti Parjanjianga nampa assare gimbala' siagang sapi mae ri Batara teai sipato' jaina.

2 SAMUEL 6:19

Nampa nabage-bagei ke'nanga kanre. Tunggala' tau niaka anjoreng baji' bura'ne kammayatompa bai'-bainea massing nasarei sikere' dageng nilangga, roti siagang kanrejawa kismis. Le'baki anjo massing ammotere' ngasemmi ke'nanga mange ri balla'na.

YEHEZKIEL 46:1

Nakana Batara Kaminang Tinggia, “Pakke'bu' lompo bageang raya a'lampa mangea ri paranglakkeng bageang lalanga musti tuli tattongkoki lalang annang allo panjamanga. Anjo pakke'bu' lompoa allo Pammari-mariang bawang siagang allo Passua'-suarrang Bulang Beru nampa akkulle nisungke.

KAIMANGNGANG 4:27

Punna nia' sitau ra'ya' biasa a'gau' dosa lanri tena nakunjungi andakkai kalase'renna parentaNa Batara,

PAMMILANGNGANG 29:29

Ri allo makaannanga passareangi sagantuju kayunna sapi laki rungkaya, ruang kayu gimbala' laki, sampulo angngappa' kayunna ana' gimbala' umuru' tassitaunga, massing tenaya ngaseng callanna.