YEHEZKIEL 44:9 - KITTA' MATANGKASA'

⁹ INakke, Batara Kaminang Tinggia, ampa'la'bangi ampaui angkanaya bansa maraeng tenaya nassunna' siagang tutenaya namannuruki ri Nakke, tena nipa'biangi antama' ri BallakKu. Anjo atorang kammaya nataba tongi bansa maraeng niaka ammantang tuli ri tangnga-tangngana bansa Israel”.

YEHEZKIEL 44:9 Referans Kwoze

YO"EL 3:17

“He Israel, kamma-kamma anne lanuassemmi, angkanaya iNakke Karaeng Allata'alanu. AmmantangA' ri Sion, bulu' matangkasakKu. Na Yerusalem a'jari tongi kota matangkasa', talantamakkami bansa maraenga.

ZAKHARIA 14:21

Sikontu panci niaka ri Yerusalem siagang ri sikontu Yehuda lanisa'laki nipakatangkasa' untu' Napatang Batara Kaminang Koasaya. Pandudu' angngeranga koro'bang passare lanapakei untu' ampallui dageng lanapassareanga. Punna battu sallang anjo wattua, tenamo nania' padanggang ri Balla'Na Batara Kaminang Koasaya.

YEHEZKIEL 44:7

Le'ba'mi ke'nanga anra'massi BallakKu, nasaba' lalang nipassareanna mae ri Nakke jannana siagang cera'na koro'banga, napa'biangi ke'nanga antama sikamma bansa maraeng tenaya nassunna', siagang tena namannuruki ri Nakke. Lanri anjo sikamma panggaukanna ke'nanga appakaringi'-ringika, nadakkaimi parjanjiangKu siagang ke'nanga.

MARKUS 16:16

Na inai-nai tatappaka, lanihukkungi. Mingka inai-nai tappa' na nije'ne', iami lanipasalama'.

PAMMUJI 93:5

O, Batara, mannannungangi hukkunTa, matangkasaki BallatTa satunggu-tungguna.

PAMMUJI 50:16

Mingka mae ri tu ja'dalaka Nakana Batara, “Ikau tena ha'nu antappui hukkungKu, siagang a'bicara ri passala'na parjanjiangKu.

PAPPICINI' 21:27

Mingka tau anggaukangai apa appakaringi'-ringika, tau a'balle-ballea, bodona kana, sikontu apa-apa ra'masaka tena sikali nakkulle antama' anjoreng. Ia lanipa'biang antama' iamintu tau niaka bawang tattulisi' arenna lalang ri kitta'Na anjo Ana' Gimbalaka, iamintu Kitta'na Tau Attallasaka.

KAIMANGNGANG 26:41

sa'gengKu angngalle tindakang angngewai ke'nanga nampa Kubongka ke'nanga mange ri pa'rasanganna musu-musunna ke'nanga. Kala'busanna, punna tundu'mo jari-jarinu siagang le'ba'mi najappai hukkunganga lanri dosana siagang mangngewana ke'nanga mae ri Nakke,

KALAPPASSANG 12:48

Tau tenayapa nisunnaki takkulleai nakanre anjo kanre passua'-suarranga. Punna nia' bansa maraeng ammantang tulimi ri kau naero' ampakalompoi allo Paskaya untu' ampakalompoA', iNakke Bataraya, sikontu tu bura'ne niaka lalang ri kaluargana musti nisunnaki la'bi riolo. Le'baki anjo akkullemi ke'nanga nikana tu Israel tojeng-tojeng, siagang akkullemi amminawang lalang ri passua'-suarrang Allo Lompo Paskaya.

PAOLE 23:4

lanri tena naero' ke'nanga assareko kanre siagang je'ne' inung lalang pa'jappannu assulu' battu ri Mesir. Ba'lalo nagaji ke'nanga Bileam, ana'na Beor battu ri kota Petor ri Mesopotamia, untu' antunraiko.

PAMMUJI 24:3

Inai akkulle nai' ri bulu'Na Batara, na antama' ri Balla'Na?