YEHEZKIEL 44:31 - KITTA' MATANGKASA'

³¹ Jangang-janganga siagang olo'-olo' maraengannaya punna mate kalennai yareka mate nikokkoki ri olo'-olo' sekke', takkulleai sikamma imanga angkanrei.”

YEHEZKIEL 44:31 Referans Kwoze

KAIMANGNGANG 22:8

Tena nipa'biangi angnganre dageng olo'-olo' mate kalenna yareka mate nikokko' ri olo'-olo' sekke'. Punna nakanrei, a'jari ra'masaki. INakke Batara.

KALAPPASSANG 22:31

Ikau ngasemmi ummakKu; lanri kammana, manna olo'-olo' apa mamo punna nikanrei ri olo'-olo' sekke', takkulleai nukanre dagenna; passareangi anjo dagenga mae ri kongkonga.”

PAOLE 14:21

Olo'-olo' mate kale-kalea takkulleai nukanre, mingka akkullei nakanre bansa maraeng niaka ammantang ri alla'nu, yareka akkullei nibalukang mae ri bansa maraenga. Ikau umma'Nako Karaeng Allata'alanu, le'baka nisa'la' untu' KalenNa. Dagenna ana' gimbalaka yareka ana' bembea takkulleai nipasipallu siagang je'ne' susunna anronna.”

1 KORINTUS 8:13

Lanri kammana, punna passabakkang apa kukanrea nadoraka sari'battangku, tena sikalimo nakuero' angkanrei anjo dageng kammaya. Nasaba' gassingka passabakkang inakke nadoraka sari'battangku.

ROMA 14:20

Teako passabakkang apa-apa nikanre, nanupanraki apa-apa le'baka Napare' Allata'ala. Memang sikontu kanre-kanreanga hallala' ngasengi untu' nikanre; mingka punna passabakkang anjo apa nukanrea nadoraka taua, sala mako.

YEHEZKIEL 4:14

Mingka appialia' angkana, “Aduh, Batara Kaminang Tinggia! Battu ri ca'diku sa'genna kamma-kamma anne, tale'bakai kura'massi kalengku siagang kanre battua ri olo'-olo' matea yareka sesanna olo'-olo' sekkeka. Tale'baka' angnganre kanre nikanaya harang.”

KAIMANGNGANG 17:15

Sikamma tu Israelka yareka bansa maraeng angnganrea dageng mate kalenna, yareka mate nikokko' ri olo'-olo' sekke', musti nasassai pakeanna nampa a'je'ne' siagang attayang sa'genna labu alloa, nampami a'jari tangkasa'.

KAIMANGNGANG 11:40

Tau angngeranga yareka tau angnganrea bakke kammaya anjo musti nasassai pakeanna, mingka tuli ra'masa'na sa'genna labu alloa.