YEHEZKIEL 44:30 - KITTA' MATANGKASA'

³⁰ Sikamma imanga musti nisareangi bageang kaminang bajika battu ri sikontu wassele' alleang bungasaka, siagang battu ri apa-apa mamo nipassareanga mae ri Nakke. Punna appare' bansa Israel roti, anjo roti bungasa' nipareka musti untu' imanga. Jari laKubarakkaki ruma tanggana bansa Israel.

YEHEZKIEL 44:30 Referans Kwoze

2 PATTOTTORANG 31:10

nakanamo Imang Lompoa iamintu Azarya jari-jarina Zadok, “Baku'na naerang ra'yaka anjo passarena ngaseng mange ri Balla'Na Batara, tenamo nakakurangang ikambe ri kanre-kanreang; ba'lalo kala'biammi ikambe, sa'genna tuli jaina parsadiaang kanre-kanreanna ikambe. Yangasenna anjo akkullei natarima ikambe lanri Nabarakkakinna Batara Umma'Na.”

PAOLE 18:4

Wassele' bungasa'na gandunnu, je'ne' anggoro'nu, minynya' zaitunnu siagang bulu gimbala'nu, bageanna todong ke'nanga.

YAKOBUS 1:18

Lanri ero' KalenNa na Napa'jariki' ana'-ana'na tete ri kana matojenNa. Nagaukammi anjo kammaya sollanta anggappa tampa' lomoro' se're ri tangnga-tangngana sikontu apa-apa attallasa' le'baka Napa'jari.

KALAPPASSANG 23:19

Tunggala' taung musti angngerangko mae ri Balla'Na Karaeng Allata'alanu gandunnu uru nukattoa. Dagenna ana' gimbalaka yareka ana' bembea takkulleai nipasipallu siagang dadi'na anronna.”

KALAPPASSANG 22:29

Ri allo le'baka nipattantu, angngerangko passare mae ri Nakke, iamintu bageang battua ri wassele' gandunnu, je'ne' anggoro'nu siagang minynya' zaitunnu. Passareangi mae ri Nakke ana' bura'ne bungasa'nu,

KALAPPASSANG 13:12

musti nupassareangi sikamma ana' bura'ne bungasa'nu siagang sikamma olo'-olo' piara lakia ia bungasa' lassuka. Yangasenna anjo Batara pata,

KALAPPASSANG 13:2

“Sikontu ana'-ana' bura'ne bungasaka passareangi ri Nakke. Sikontu ana'-ana' bura'ne bungasa'na Israel, siagang sikontu olo'-olo' laki bungasaka lassu', iNakke ngaseng pata.”

ROMA 11:16

Punna sikere' roti uru-urua nipassareammi mae ri Allata'ala, battuanna anjo roti sibatua nipassareang tommi mae ri Allata'ala. Na punna Allata'ala pata anjo aka'na poko' kayua, battuanna anjo tangke-tangkenna Ia todong pata.