YEHEZKIEL 44:29 - KITTA' MATANGKASA'

²⁹ Katallassanna ke'nanga iamintu musti battu ri gandung passarea, koro'bang pannangkasi dosa, siagang koro'bang passambe karugiang; sikontu-kontuna apa nipassareanga mae ri Nakke, musti nisareangi ke'nanga.

YEHEZKIEL 44:29 Referans Kwoze

PAMMILANGNGANG 18:14

Sikontu apa-apa niaka ri butta Israel, ia le'baka nisa'la' untu' iNakke, iaminjo untu' ikau.

KAIMANGNGANG 27:21

Lalang ri Taung Pammoterang labattua, anjo kokoa a'jari Napatammi Batara sa'genna satunggu-tungguna, nampa nipassareang mae ri sikamma imanga.

KAIMANGNGANG 27:28

Tena manna sitau akkulle ambalukangi yareka ampasuluki apa le'baka nisa'la' mae ri Batara, baji' a'rupa taua kammayatompa a'rupa olo'-oloka yareka buttaya. Anjo kammaya a'jari Napatammi Batara sa'genna satunggu-tungguna.

KAIMANGNGANG 7:6

Sikamma tu bura'nea lalang ri kaluargana imang-imanga akkullei nakanre anjo dageng koro'banga, mingka musti nakanrei ke'nanga ri tampa' le'baka nipattantu, nasaba' anjo koro'banga teai sipato' tangkasa'na.

KAIMANGNGANG 6:29

Sikamma tu bura'nea lalang ri kaluargana imang-imanga akkullei nakanre anjo koro'bang sannaka tangkasa'na.

KAIMANGNGANG 6:26

Imang ampassareangai anjo koro'banga musti nakanrei anjo koro'banga ri tampa' le'baka nipattantu untu' anjo, iamintu ri paranglakkenna KemaNa Batara.

IBRANI 13:10

Ikatte nia' tampa' pakkorobangnganta untu' assare koro'bang mae ri Allata'ala. Na anjo imang-imang allayania lalang ri KemaNa Batara, tena ha'na angkanrei anjo koro'bang niaka irate ri anjo tampa' koro'banga.

KAIMANGNGANG 2:10

La'binnaya, iaminjo bageanna sikamma imanga. Anjo rotia teai sipato' tangkasa'na lanri niallei battu ri kanre le'bakamo nipassareang mae ri Batara.

KAIMANGNGANG 2:3

La'binna anjo koro'bang nipatalaya iaminjo bageanna sikamma imanga. Anjo koro'banga teai sipato' tangkasa'na lanri niallei battu ri kanre le'bakamo nipassareang mae ri Batara.

YOSUA 13:14

Suku Lewi tena nannarima bageang butta battu ri Musa, nasaba' le'baki Napau Batara mae ri Musa angkanaya pambageanna suku Lewi iamintu battua ri koro'bang-koro'bang nitunua ri tampa' pakkoro'bangnganga untu' Karaeng Allata'alana Israel.

YEHEZKIEL 46:20

na nakana, “Ri anne tampaka sikamma imanga musti napallu koro'bang pannangkasi dosaya siagang koro'bang passambe karugianga kammayatompa nalangga gandunga, sollanna manna sike'de' anjo koro'bang matangkasaka tena nanierangi assulu' ri paranglakkeng bageang pantaraka sa'genna nabalai ra'yaka.”