YEHEZKIEL 44:28 - KITTA' MATANGKASA'

²⁸ Sikamma imanga natarimai anjo jama-jamang imanga salaku bageang ri apa Kupassareanga mae ri Israel siagang jari-jarina. Takkulleai ke'nanga ammallaki apa-apa ri Israel: INakkemi a'jari apa-apanna, napatanga ke'nanga.

YEHEZKIEL 44:28 Referans Kwoze

YOSUA 13:33

Mingka suku Lewi tena nanggappa pambageang butta manna sike'de' battu ri Musa. Napaui Musa mae ri ke'nanga angkanaya pambageanna ke'nanga iamintu battua ri koro'bang-koro'bang nipassareanga mae ri Karaeng Allata'alana Israel.

PAMMILANGNGANG 18:20

Nakanamo pole Batara mae ri Harun, “Ikau tena nunggappa pambageang warisi' apa-apa. Ri pa'rasangang Kupa'janjianga mae ri kau tena manna sicappi' butta la'jari nupatang. INakke, Batara, a'jari bageang warisi'nu.”

PAOLE 10:9

Lanri kammana minjo natena nanggappa butta suku Lewi sangkamma suku-suku maraenga. Nasaba' Batarami a'jari bageang warisi'na ke'nanga, sangkamma Napaua Karaeng Allata'alanu mae ri ke'nanga.)

YEHEZKIEL 45:4

Anjo tampaka matangkasaki, siagang nipasadiai untu' sikamma imang tugasaka anggaukangi ibadaya ri Balla'Na Batara. Sipa'gang battu ri anjo tampaka la'jari tampa' untu' balla'na ke'nanga, na sipa'gang pole untu' Balla'Na Batara.

YOSUA 13:14

Suku Lewi tena nannarima bageang butta battu ri Musa, nasaba' le'baki Napau Batara mae ri Musa angkanaya pambageanna suku Lewi iamintu battua ri koro'bang-koro'bang nitunua ri tampa' pakkoro'bangnganga untu' Karaeng Allata'alana Israel.