YEHEZKIEL 44:24 - KITTA' MATANGKASA'

²⁴ Punna nia' passisala-salang lanri parkara hukkung, musti napakabajiki ke'nanga situru' hukkung-hukkungKu. Musti napakalompoi ke'nanga allo lompo agamaya, situru' atorang-atorangKu siagang hukkung-hukkungKu, kammayatompa napakalompoi allo Pammari-marianga salaku allo nisa'laka untu' iNakke.

YEHEZKIEL 44:24 Referans Kwoze

1 PATTOTTORANG 23:4

Nampa nasare tugasa' 24.000 tau battu ri ke'nanga untu' anggaukangi jama-jamanga lalang ri Balla'Na Batara, 6.000 untu' angngurusu' sura'-sura' siagang kara-karaya lalang ri pangadelang,

YEHEZKIEL 22:26

Sikamma imanna tu Israel nadakkai hukkung-hukkungKu siagang nara'massi apa-apa le'baka nisa'la' untu' iNakke. Tena napasimmaraengi ke'nanga angkanaya kereanga hallala' siagang kereanga harang. Tena todong naajaraki ke'nanga ra'yaka untu' ampasimmaraengi angkanaya kereanga tangkasa' siagang ra'masa' manuru' paratorang agamaya. Tena najampangi ke'nanga allo Pammari-marianga. Lanri kammanami anjo nanahinaMa' bansa Israel.

1 TIMOTIUS 3:15

sollanna punna tenapa nakulinta' battu, nuasseng memammi angkana antekamma bateta musti attallasa' salaku ana'-ana'Na Allata'ala, iamintu jama'aNa Allata'ala mattallasaka. Iaminne jama'aka a'jari sanrapang benteng panjarrekinna siagang pattumpa'na katojengang battua ri Allata'ala.

EZRA 2:63

Nipisangkai ri guburnur daera Yehuda ke'nanga angnganre kanre nipassareanga ri Allata'ala, sa'genna nia' imang akkulle appala' kasingarang lanri ammake Urim siagang Tumim.

PAOLE 19:17

anjo tau ruaya musti a'lampai mange ri tampa' ibada Napattantua Batara sollanna niadeli ke'nanga ri sikamma imanga siagang haking tugasaka anjo wattua.

PAOLE 21:5

Sikamma imang tu Lewia musti a'lampa tongi mange anjoreng ri tampaka, lanri musti assarei ke'nanga kaputusang lalang sikamma parkara katerassanga. Nipilei ke'nanga ri Karaeng Allata'alanu untu' ampare' atai kalenna mae ri Batara, siagang ampabattui kana-kana barakkaka lalang arenNa Batara.

PAMMUJI 119:34

Kipa'jari pahanga' ri hukkunTa sollanna kuturuki, siagang kugaukang siagang sibatu pa'maikku.

YEHEZKIEL 20:12

Kusuroi ke'nanga ampakalompoi allo Pammari-marianga salaku pammatei parjanjiangKu siagang ke'nanga, untu' ampiu'rangiangi ke'nanga angkana iNakke Batara, le'baka ansa'laki ke'nanga a'jari ummakKu.

YEHEZKIEL 20:20

Pakalompoi allo Pammari-marianga sollanna a'jari pammatei mae ri kau siagang iNakke, untu' ampiu'rangiangko angkanaya iNakkemi Karaeng Allata'alanu.’

YEHEZKIEL 46:9

Kabalekanna, punna ri allo-allo lompoa nabattu ra'yaka untu' anggaukangi ibadaya mae ri Batara, battu ri pakke'bu' lompo bageang waraki ke'nanga angngolo antama, nampa punna ammotere' musti pakke'bu' lompo bageang timboroka naolo punna le'ba' ke'nanga anggaukangi ibadaya. Na ia ke'nanga antamaya battu ri pakke'bu' lompo bageang timboroka, punna ammotereki musti pakke'bu' lompo bageang waraka naolo. Tena nipa'biangi taua angngolo ri oloang naoloa wattunna antama; musti ammotereki ke'nanga battu ri oloang ba'leanna.