YEHEZKIEL 44:23 - KITTA' MATANGKASA'

²³ Sikamma imanga musti naajaraki ummakKu untu' angngassengi angkanaya kereanga nisa'la' untu' iNakke siagang kereanga tena, kereanga matangkasa' situru' agamaya siagang kereanga ra'masa'.

YEHEZKIEL 44:23 Referans Kwoze

YEHEZKIEL 22:26

Sikamma imanna tu Israel nadakkai hukkung-hukkungKu siagang nara'massi apa-apa le'baka nisa'la' untu' iNakke. Tena napasimmaraengi ke'nanga angkanaya kereanga hallala' siagang kereanga harang. Tena todong naajaraki ke'nanga ra'yaka untu' ampasimmaraengi angkanaya kereanga tangkasa' siagang ra'masa' manuru' paratorang agamaya. Tena najampangi ke'nanga allo Pammari-marianga. Lanri kammanami anjo nanahinaMa' bansa Israel.

HOSEA 4:6

Ikau ngaseng, sikamma imanga, tena nujampangiA', jari ummakKu tena tommo najampangiA' sa'genna natuju bala ke'nanga. Nutollaki ajarang-ajarangKu. Jari, iNakke laKutolla' tongko, siagang ana'-ana'nu tena nalaKuani salaku imang-imangKu.

ZEFANYA 3:4

Na'bi-na'bina tena tanggong jawa'na siagang takkulleai nipatappa'; sikamma imanga narantassi apa le'baka nisa'la' untu' Batara siagang naputara' baleki hukkung-hukkunNa Allata'ala untu' kaparalluang kalenna ke'nanga.

PAOLE 33:10

Naajaraki ummatTa anturuki hukkunTa, siagang assare koro'bang irate ri tampa' pakkoro'bangnganTa.

KAIMANGNGANG 11:47

Musti nuassengi nubatei angkanaya kereanga ra'masa' siagang tangkasa', kereanga olo'-olo' akkullea nikanre siagang olo'-olo' tenaya nakkulle nikanre.

KAIMANGNGANG 13:50

Musti naparessai imanga anjo barang-barang kammaya, nampa nasa'la' lalang tuju allo.

YEREMIA 15:19

Appiali Batara angkana, “Punna ammoterekko, laKutarimako. La'jariko ammotere' atangKu. Punna nukabarrangi apa a'matu-matua siagang teai bicara tena bonena, akkulleko ammotere' a'jari na'biKu. Labattui pole taua mae ri kau, siagang tenamo nuparallu mae ri ke'nanga.

YEHEZKIEL 42:20

Jari, tampa' antamaya ri daerana Balla'Na Batara, iamintu appa' pasagi, 250 metere' ri tunggala' sa'rinna. Anjo tampaka nikulilingi ri se'reang tembo' untu' ansimbangi daera nisa'laka untu' Batara battu ri daerana tau jaia.

KAIMANGNGANG 14:57

Iaminjo paratorang-paratoranga nipake untu' ampattantui angkanaya apaka anjo se'reanga apa-apa tangkasaki yareka ra'masaki.