YEHEZKIEL 44:20 - KITTA' MATANGKASA'

²⁰ Sikamma imanga takkulleai nagondolo' ulunna ke'nanga, yareka nalappassangi la'bu uu'na. Anjo uu'na ke'nanga musti nicukkuru' bodoi situru' atorang le'baka nipattantu.

YEHEZKIEL 44:20 Referans Kwoze

1 KORINTUS 11:14

Akkullemi nuasseng battu ri pangalamannu, angkanaya tasiratangai nicini' tu bura'nea punna la'bu uu'na.

PAOLE 14:1

“Ikaumi umma'Na Karaeng Allata'alanu. Jari punna susako lanri kamateangko, teako loko'-lokoki batangkalennu yareka teako cukkuruki bageang dallekanna ulunnu sangkamma nagaukanga bansa-bansa maraenga.

PAMMILANGNGANG 6:5

Lalang attinja'na takkulleai napolong uu'na yareka takkulleai accukkuru'. Lalang anjo wattua, anjo uu'na siagang janggo'na musti naboliki a'jari la'bu. Tassikkoki mae ri tinja'na sa'genna le'ba' anjo tinja'na ansa'laki kalenna untu' Batara.

2 SAMUEL 14:26

Uu'na sanna' ka'ba'na, siagang musti napolongi sikali sitaung lanri battala' duduna nasa'ring. Anjo uu' napolonga la'bi rua kilo battala'na situru' timbangang niaka nipake ri karaenga.

YEHEZKIEL 5:1

Nakana Batara, “He tau, angngalleko pa'dang tarang nampa nupake untu' ancukkuruki janggo'nu sa'genna la'busu' siagang uu'nu. Nampa nutimbang anjo uu'nu ri timbanganga nampa nubage a'jari tallung bageang.