YEHEZKIEL 44:10 - KITTA' MATANGKASA'

¹⁰ Nakana Batara ri nakke, “LaKuhukkungi tu Lewi siagang tu Israel maraengannaya, lanri nabokoiA' siagang anynyombai ri barhala.

YEHEZKIEL 44:10 Referans Kwoze

YEHEZKIEL 48:11

Anjo daera nisa'laka la'jari napatangi imang-imang jari-jarina Zadok. Ke'nanga allayani Batara satunggu-tungguna siagang tasangkammayai suku Lewi julu sukuna ke'nanga, iamintu amminawanga a'gau' dosa siagang tu Israel maraengannaya.

YEHEZKIEL 22:26

Sikamma imanna tu Israel nadakkai hukkung-hukkungKu siagang nara'massi apa-apa le'baka nisa'la' untu' iNakke. Tena napasimmaraengi ke'nanga angkanaya kereanga hallala' siagang kereanga harang. Tena todong naajaraki ke'nanga ra'yaka untu' ampasimmaraengi angkanaya kereanga tangkasa' siagang ra'masa' manuru' paratorang agamaya. Tena najampangi ke'nanga allo Pammari-marianga. Lanri kammanami anjo nanahinaMa' bansa Israel.

1 TIMOTIUS 5:22

Teako linta' dudui ampatompangi limannu untu' angngangkaki se'rea tau a'jari palayanNa Batara. Punna a'gau' dosa taua teako katuru'-turukangi anggaukangi anjo dosaya. Jagai kalennu sollanna nutuli matangkasa'.

YEHEZKIEL 44:15

Nakana Batara Kaminang Tinggia, “Ri wattungKu nabokoi bansa Israel, imang-imang tu Lewi battua ri jari-jarina Zadok tamamminrayai allayaniA' lalang ri BallakKu. Lanri kammana anjo iami anjo ke'nanga musti allayaniA' siagang battu mae ri dallekangKu untu' angngerang passare janna siagang cera'na sikamma koro'banga.

ZEFANYA 3:4

Na'bi-na'bina tena tanggong jawa'na siagang takkulleai nipatappa'; sikamma imanga narantassi apa le'baka nisa'la' untu' Batara siagang naputara' baleki hukkung-hukkunNa Allata'ala untu' kaparalluang kalenna ke'nanga.

YEREMIA 23:11

Nakana Batara, “Na'bia siagang imanga taerokai mannuruki ri Nakke. Ba'lalo Kurapikangi ke'nanga a'gau' ja'dala' ri BallakKu.

YESAYA 53:11

Lanri kammana anjo Nakana Batara, “Punna le'baki sessa napakamma nipa'risi, lamate'nei siagang lasukku' baji'mi pakkasia'na. Anjo atangKu, napakasannangi atingKu, le'ba'mi natanggongi hukkunganna tau jaia; lanri ia naKupammopporang ke'nanga.

PAMMUJI 38:4

Garring lompoa' lanri kalarroanTa; tenamo baji' ri tubuku lanri dosaku.

NEHEMIA 9:34

Boena ikambe, karaeng, imang, siagang sikamma tutoa-toaya, nadakkai hukkunTa siagang nabawang-bawangngangi. Sikontu parenta siagang pappakainga' Kipassareanga, tanajampangiai, tena todong napilangngeri.

PAMMILANGNGANG 18:23

Appakkaramula kamma-kamma anne tu Lewiji bawang akkulle angngurusuki KemaKu siagang ampisangi tanggong jawaka mae ri anjo jama-jamanga. Anjo paratoranga nipake tongi mae ri jari-jarinu sa'genna satunggu-tungguna. Tu Lewi tena pambageang warisi'na ri Israel,

PAMMILANGNGANG 5:31

Anjo bura'nea ta'lappasaki battu ri kasalanga; mingka bainenna, punna ma'nassa kasalang tojengi, musti natanggongi kodina kale'bakkanna.

KAIMANGNGANG 19:8

Inai-nai angkanrei anjo dagenga salami lanri tena najampangi apa nisa'laka untu' iNakke. Anjo tau kammaya tenamo nanibilangi anggota ummakKu.

PA'JARIANG 4:13

Nakanamo Kain ri Batara, “Ta'liwaki battala'na anjo hukkunganga, na takkullea kutanggong.

YEHEZKIEL 14:11

Yangasenna anjo kammaya Kugaukangi sollanna tu Israel tenamo napakabellai pole kalenna battu ri Nakke siagang tenamo nara'massi pole kalenna lanri dosa. Lanri kammana anjo la'jarimi ke'nanga ummakKu na iNakke a'jari Allata'alana ke'nanga.” INakke, Batara Kaminang Tinggia anne akkana.

YEHEZKIEL 44:12

Mingka lanri nagaukannamo ke'nanga upacara anynyombaya ri barhala untu' bansa Israel, siagang naeranna anjo bansa Israel mange ri dosaya, jari iNakke, Batara Kaminang Tinggia, assumpaMa' angkanaya musti Kuhukkungi ke'nanga.

MALEAKHI 2:8

Mingka kamma-kamma anne, ikau ngaseng, sikamma imanga, ammengkamako battu ri oloang tojenga. Jai tau anggaukangi salaya lanri ajarang-ajarannu. Nupanrakimi parjanjiang Kupareka siagang ikau ngaseng.

PANGNGEBARANG 11:31

Punna lannarima todong pa'balasa' tau bajika ri anne linoa, mattantumi langgappana hukkungang tau ja'dalaka siagang tau dorakaya.

HOSEA 4:9

Jari lapa'risi' mako sangkamma ra'yaka! LaKuhukkungko situru' sikamma panggaukannu.