YEHEZKIEL 43:24 - KITTA' MATANGKASA'

²⁴ Nampa nuerang mae ri Nakke. Sikamma imanga musti appakioroki ce'la irateanna anjo ruaya olo'-olo' siagang natunui a'jari koro'bang untu' iNakke.

YEHEZKIEL 43:24 Referans Kwoze

KAIMANGNGANG 2:13

Tunggala' koro'bang nipatalaya musti nice'lai, lanri anjo ce'laya a'jari pammatei ri parjanjianNa Allata'ala siagang ikau ngaseng. Jari sikontu anjo passarea musti nice'lai.

KOLOSE 4:6

Sikamma bicara nupasuluka parallui appakasannang pa'mai' siagang appatimbo pangngai. Parallui nuasseng baji' appiali ri pakkuta'nanna taua.

PAMMILANGNGANG 18:19

Sa'genna satunggu-tungguna, sikontu passare nisa'la' naeranga tu Israel mae ri Nakke, Kupassareangi mae ri kau siagang mae ri sikamma ana'nu bura'ne baine. Anne paratoranga nipakei sa'genna satunggu-tungguna siagang a'jari passikko' parjanjiang tenaya nakkulle nipinra, battu ri Nakke siagang ikau na jari-jarinu.”

MATIUS 5:13

“Ikau ngasemmi rapang ce'lana anne linoa. Punna la'bamo ce'laya, maka lakkulleiji nipa'jari ce'la poleang? Ma'nassa tenamo matu-matunna, passangalinna nipela' mami na nionjo'-onjokang ri taua.

2 PATTOTTORANG 13:5

Nuassengi angkanaya le'baki Batara, Allata'alana Israel appare' janji mae ri Daud, angkanaya ia siagang jari-jarina lammarenta ri Israel sa'genna satunggu-tungguna. Anjo janjia tena le'bakai nipinra.