YEHEZKIEL 43:20 - KITTA' MATANGKASA'

²⁰ Allei sike'de' cera'na nampa nupasapu mae ri sikamma tanruka ri appaka panyingkulu' coppo'na anjo tampa' pakkoro'bangnganga, kammayatompa sikamma panyingkulu' bageang tangngana siagang ri tammulilina birinna anjo tampa' pakkoro'bangnganga. Kammami anjo caranu antangkasi anjo tampa' pakkoro'bangnganga siagang nusa'laki untu' iNakke.

YEHEZKIEL 43:20 Referans Kwoze

KAIMANGNGANG 16:19

Naparacciki sike'de' anjo ceraka siagang karemenna sa'genna pintuju mange ri rateanna anjo tampa' pakkoro'bangnganga. Kammaminjo carana ampakatangkasaki tampa' pakkoro'bangnganga battu ri kara'massanna bansa Israel sollanna a'jari tangkasa'.

KAIMANGNGANG 8:15

Nampa nasamballe Musa siagang naalle sipa'gang cera'na anjo olo'-oloka. Anjo ceraka napasapui siagang karemenna mae ri tanru'-tanru' niaka ri sikamma panyingkulu'na tampa' pakkoro'bangnganga, sollanna nitangkasi anjo tampa' pakkoro'bangnganga untu' Allata'ala. La'binna anjo ceraka napatiriki naung ri dapara'na tampa' pakkoro'bangnganga. Kammaminjo carana nitangkasi anjo tampa' pakkoro'bangnganga siagang nisa'la' untu' Batara.

YEHEZKIEL 43:26

Tuju allo sallona sikamma imanga musti appareki pa'gaukang amminyaki anjo tampa' pakkoro'bangnganga siagang napasadiai untu' akkulle nipake.

YEHEZKIEL 43:22

Ammukona musti assareko sikayu bembe laki tenaya caca'na untu' koro'bang pammopporang dosa. Pakatangkasaki anjo tampa' pakkoro'bangnganga siagang anjo cera' bembea, sangkamma nugaukanga ri anjo sapi laki rungkaya.

KAIMANGNGANG 9:9

Ana'-ana'na Harun ampabattui cera'na anjo sapia mae ri Harun, nampa ia anjallakkangi karemenna antama' ri anjo ceraka, siagang ampasapui anjo ceraka mae ri tanru'-tanru' niaka ri appaka panyingkulu'na anjo tampa' pakkoro'bangnganga. Le'baki anjo, la'binna ceraka napatiriki antama' ri dapara'na tampa' pakkoro'bangnganga.

KALAPPASSANG 29:36

Tunggala' allo musti nipassareangi sikayu sapi laki untu' nipammopporanna dosaya. Kammaminjo lanrinna, iamintu lanri anjo koro'banga nanipakatangkasa' anjo tampa' pakkoro'bangnganga. Nampa musti numinynyaki anjo tampa' pakkoro'bangnganga siagang minynya' zaitun sollanna nisa'la' untu' iNakke.

KALAPPASSANG 29:12

Allei sipa'gang cera'na anjo sapia pasapui siagang limannu mae ri tanru'-tanru'na tampa' pakkoro'bangnganga. La'binna anjo ceraka musti nupatiriki ri bageang rawana anjo tampa' pakkoro'bangnganga.

KAIMANGNGANG 4:34

Imanga musti najallakkangi karemenna antama' ri anjo cera' olo'-oloka, nampa napasapu ri tanru'-tanru' niaka ri sikamma panyingkulu'na tampa' pakkoro'bangnganga, siagang napatiri' la'binna naung ri dapara'na tampa' pakkoro'bangnganga.

KAIMANGNGANG 4:30

Imanga musti najallakkangi karemenna antama' ri cera'na anjo olo'-oloka, nampa napasapu mae ri tanru'-tanru' niaka ri sikamma panyingkulu'na tampa' pakkoro'bangnganga, siagang napatiri' la'binna antama' ri dapara'na tampa' pakkoro'bangnganga.

KAIMANGNGANG 4:25

Imanga musti najallakkangi karemenna antama' ri cera'na anjo olo'-oloka nampa napasapu mae ri tanru'-tanru' niaka ri sikamma panyingkulu'na tampa' pakkoro'bangnganga siagang napatiri' la'binna antama' ri dapara'na tampa' pakkoro'bangnganga.

KAIMANGNGANG 16:18

musti assuluki Harun siagang a'lampa mange ri tampa' pakkoro'bangngang koro'bang nitunua untu' ampakatangkasaki anjo tampa' pakkoro'bangnganga. Musti angngallei sike'de' cera'na sapia siagang cera'na bembea nampa napasapu ri tanru'-tanru' niaka ri sikamma panyingkulu'na anjo tampa' pakkoro'bangnganga.

YEHEZKIEL 43:14

Battu ri kaloroka sa'genna garisi'na tampa' pakkoro'bangngang kaminang irawaya, tinggina se're metere'. Bageang tangngana tinggina rua metere', siagang seppakkangngangi sitangnga metere' natammulilina bangkeng tampa' pakkoro'bangnganga. Bageang makatallua, iamintu coppo'na tampa' pakkoro'bangnganga, sitangnga metere' todong la'bi seppa'na natammulilina bageang tangngana.

YEHEZKIEL 45:19

Imanga musti naallei cera'na anjo koro'bang pannangkasi dosaya, nampa napasapu ri sikamma pakke'bu'na BallakKu, kammayatompa ri appa' panyingkulu'na tampa' pakkoro'bangnganga siagang ri benteng-benteng pakke'bu' lompo a'lampa mangea ri paranglakkeng bageang lalanga.

KALAPPASSANG 29:37

Gaukangi anjo kammaya tunggala' allo lalang tuju allo sallona. Jari kabusu'na anjo tampa' pakkoro'bangnganga a'jari matangkasa'mi; apa-apa mamo anseroai anjo tampa' pakkoro'bangnganga musti nipassareangi mae ri Batara, siagang inai-nai anseroi, lanitujui ri bala lanri kagassingang matangkasa'na.”

KAIMANGNGANG 8:14

Le'baki anjo angngallemi Musa sikayu sapi laki rungka untu' koro'bang pammopporang dosa. Harun siagang sikamma ana'na napadongkoki ke'nanga limanna ri tompo' ulunna anjo olo'-oloka.

YEHEZKIEL 45:18

Nakana Batara Kaminang Tinggia ri umma'Na, “Ri tanggala' se're bulang se're, musti nutangkasi BallakKu na nuassare sikayu sapi laki rungka, ia tenaya caca'na.