YEHEZKIEL 43:17 - KITTA' MATANGKASA'

¹⁷ Bageang tangngana appa' tongi pasagi modele'na, tunggala' sa'rinna 7 metere' ukkuranna, siagang se're biring bageang pantara'na tinggina siparapa' metere'. (Sangkara'na kaloro'na sitangnga metere'.) Ri sa'ri bageang irayana nia' tuka' a'lampa mangea ri coppo'na tampa' pakkoro'bangnganga.

YEHEZKIEL 43:17 Referans Kwoze

KALAPPASSANG 20:26

Teako ambangungi tampa' pakkoro'bangngang tinggi sa'genna musti ammake pako tuka' punna nupanaiki, sollanna tena nakacinikang apa tenaya nakkulle nicini' ri kalennu.”

YEHEZKIEL 40:6

Nampa a'lampa mange ri pakke'bu' lompo a'dalle' anraika. Angngambiki nai' ri tukaka, nampa ri wattunna battu nai', naukkuru'mi sangkara' bageang ratena anjo pakke'buka, nania' tallu metere' sangkara'na.

YEHEZKIEL 8:16

Nieramma' mange ri paranglakkeng bageang lalangnganna Balla'Na Batara. Ri ampi'na pakke'bu' antamaya ri kamara' matangkasaka, ri alla'na tampa' pakkoro'bangnganga siagang loronga, nia' tau ruampulo allima jaina. Nabokoi ke'nanga kamara' matangkasaka, siagang su'juki ke'nanga a'dalle' anrai' anynyomba mae ri mataallo ammumbaya.

NEHEMIA 9:4

Anjoreng nia' podiung untu' tu Lewi nampa ammentemmo rate Yesua, Bani, Kadmiel, Sebanya, Buni, Serebya, Bani siagang Kenani. Assa'ra lompomi ke'nanga appala' doang mae ri Karaeng Allata'alana ke'nanga.

1 KARAENG-KARAENG 18:32

Iaminjo batu-batua napake Elia ambangungi ammotere' tampa' pakkoro'bangngang passambayanganga mae ri Batara. Ri tammulilina anjo tampa' pakkoro'bangnganga angngekemi solongang lompoa sike'de' sa'genna akkulle angngalle je'ne' kira-kira sampulo allima litere' jaina.

KALAPPASSANG 30:3

Bageang ratena siagang appa' sa'rinna kammayatompa sikamma tanru'-tanru'na musti nilapisiki siagang bulaeng ti'no' siagang niles bulaeng ri tammulilina.

KALAPPASSANG 25:25

Pareki biring mejang 7,5 sentimetere' siagang sarei passimbang bulaeng tammulilina anjo birinna.

YEHEZKIEL 43:14

Battu ri kaloroka sa'genna garisi'na tampa' pakkoro'bangngang kaminang irawaya, tinggina se're metere'. Bageang tangngana tinggina rua metere', siagang seppakkangngangi sitangnga metere' natammulilina bangkeng tampa' pakkoro'bangnganga. Bageang makatallua, iamintu coppo'na tampa' pakkoro'bangnganga, sitangnga metere' todong la'bi seppa'na natammulilina bageang tangngana.

YEHEZKIEL 43:20

Allei sike'de' cera'na nampa nupasapu mae ri sikamma tanruka ri appaka panyingkulu' coppo'na anjo tampa' pakkoro'bangnganga, kammayatompa sikamma panyingkulu' bageang tangngana siagang ri tammulilina birinna anjo tampa' pakkoro'bangnganga. Kammami anjo caranu antangkasi anjo tampa' pakkoro'bangnganga siagang nusa'laki untu' iNakke.

YEHEZKIEL 45:19

Imanga musti naallei cera'na anjo koro'bang pannangkasi dosaya, nampa napasapu ri sikamma pakke'bu'na BallakKu, kammayatompa ri appa' panyingkulu'na tampa' pakkoro'bangnganga siagang ri benteng-benteng pakke'bu' lompo a'lampa mangea ri paranglakkeng bageang lalanga.