YEHEZKIEL 43:15 - KITTA' MATANGKASA'

¹⁵ Anne bageang makatallua iamintu tampa' attunu koro'bang tinggina rua metere'. Ri appaka panyingkulu'na nia' ammumba assulu' sangkamma tanru'.

YEHEZKIEL 43:15 Referans Kwoze

KALAPPASSANG 27:2

Massing panyingkulu' bageang iratena musti niparekangi tanru'-tanru' a'jari se'rea siagang tampa' pakkoro'bangnganga. Yangasenna musti nilapisi siagang tambaga.

PAMMUJI 118:27

Batarami Allata'ala, malammoro' pa'maiki mae ri katte. Maju mako a'barrisi' siagang tangke kayu ri limannu, siagang kulilingi tampa' pakkoro'bangnganNa Batara.

KAIMANGNGANG 9:9

Ana'-ana'na Harun ampabattui cera'na anjo sapia mae ri Harun, nampa ia anjallakkangi karemenna antama' ri anjo ceraka, siagang ampasapui anjo ceraka mae ri tanru'-tanru' niaka ri appaka panyingkulu'na anjo tampa' pakkoro'bangnganga. Le'baki anjo, la'binna ceraka napatiriki antama' ri dapara'na tampa' pakkoro'bangnganga.

YESAYA 29:7

Nampa sikontu pasukang bansa maraeng battua ambunduki Yerusalem, kota tampa' pakkoro'bangnganga mae ri Allata'ala, yangasenna tau niaka antammulili siagang ambunduki anjo kotaya, lalanynya' ngasengi rapang so'na ri wattu bangngina.

1 KARAENG-KARAENG 2:28

Nalangngere'mi Yoab yangasenna anjo kajarianga. A'jari malla'mi lanri ammenteng maei ri Adonia. Mingka, riolo tena nammenteng mae ri Absalom. Jari larimi mange ri KemaNa Batara anta'galaki cappa'-cappa'na tampa' pakkoro'bangnganga.

1 KARAENG-KARAENG 1:50

Jari sanna'mi malla'na Adonia mae ri Salomo, sa'genna larimo mange ri KemaNa Batara anta'galaki sikamma cappa'na tampa' pakkoro'bangnganga anjoreng.

YEHEZKIEL 43:20

Allei sike'de' cera'na nampa nupasapu mae ri sikamma tanruka ri appaka panyingkulu' coppo'na anjo tampa' pakkoro'bangnganga, kammayatompa sikamma panyingkulu' bageang tangngana siagang ri tammulilina birinna anjo tampa' pakkoro'bangnganga. Kammami anjo caranu antangkasi anjo tampa' pakkoro'bangnganga siagang nusa'laki untu' iNakke.

KALAPPASSANG 27:1

“Apparekko se're tampa' pakkoro'bangngang battua ri kayu akasia. Assulapa appaki pare'na; la'buna siagang sangkara'na massing-massing 2,2 metere' na tinggina 1,3 metere'.