YEHEZKIEL 43:14 - KITTA' MATANGKASA'

¹⁴ Battu ri kaloroka sa'genna garisi'na tampa' pakkoro'bangngang kaminang irawaya, tinggina se're metere'. Bageang tangngana tinggina rua metere', siagang seppakkangngangi sitangnga metere' natammulilina bangkeng tampa' pakkoro'bangnganga. Bageang makatallua, iamintu coppo'na tampa' pakkoro'bangnganga, sitangnga metere' todong la'bi seppa'na natammulilina bageang tangngana.

YEHEZKIEL 43:14 Referans Kwoze

KALAPPASSANG 27:5

Tinggina anjo anyangngang kawaka musti bageruanna tinggina anjo tampa' pakkoro'bangnganga. Anjo anyangngang kawaka musti nipakaluki ri bageang rawana tampa' pakkoro'bangnganga.

YEHEZKIEL 43:17

Bageang tangngana appa' tongi pasagi modele'na, tunggala' sa'rinna 7 metere' ukkuranna, siagang se're biring bageang pantara'na tinggina siparapa' metere'. (Sangkara'na kaloro'na sitangnga metere'.) Ri sa'ri bageang irayana nia' tuka' a'lampa mangea ri coppo'na tampa' pakkoro'bangnganga.

YEHEZKIEL 43:20

Allei sike'de' cera'na nampa nupasapu mae ri sikamma tanruka ri appaka panyingkulu' coppo'na anjo tampa' pakkoro'bangnganga, kammayatompa sikamma panyingkulu' bageang tangngana siagang ri tammulilina birinna anjo tampa' pakkoro'bangnganga. Kammami anjo caranu antangkasi anjo tampa' pakkoro'bangnganga siagang nusa'laki untu' iNakke.

YEHEZKIEL 45:19

Imanga musti naallei cera'na anjo koro'bang pannangkasi dosaya, nampa napasapu ri sikamma pakke'bu'na BallakKu, kammayatompa ri appa' panyingkulu'na tampa' pakkoro'bangnganga siagang ri benteng-benteng pakke'bu' lompo a'lampa mangea ri paranglakkeng bageang lalanga.

YEHEZKIEL 45:9

Nakana Batara Kaminang Tinggia, “He sikamma patugasa' pamarentana Israel, angganna'mi dosa-dosanu! Pamarimi anjo tindakannu appaero'-eroka siagang anjallakkangai ra'yaka. Gaukammi apa annabaya siagang adeleka. Tea sikaliko bongkai pole ummakKu battu ri tampa'na ke'nanga. INakke, Batara Kaminang Tinggia, amparentakangi anjo mae ri kau.