YEHEZKIEL 43:13 - KITTA' MATANGKASA'

¹³ Iaminne ukkuranna tampa' pakkoro'bangnganga situru' ukkurang nipakea angngukkuruki Balla'Na Batara. Ri tammulilina bangkeng tampa' pakkoro'bangnganga nia' se're kaloro' sitangnga metere' lantanna siagang sangkara'na sitangnga metere' todong; siagang birinna bageang pantara'na siparapa' metere' tinggina.

YEHEZKIEL 43:13 Referans Kwoze

YEHEZKIEL 41:8

Tembo' bageang pantaranna anjo sikamma kamaraka 2,5 metere' kapala'na. Anjo bangunanga nia' pakke'bu'na a'lampa mange ri kamara'-kamara' bageang wara'na Balla'Na Batara, siagang pakke'bu' maraenga a'lampa mangei ri kamara'-kamara' bageang timboro'. Ri tammulilina Balla'Na Batara nia' pattiro-tiroang 2,5 metere' sangkara'na; tampa'na 3 metere' battu ri buttaya, siagang nipareka sangkamma tinggina siagang pundasina sikamma kamaraka ri tembo' Balla'Na Batara. Ri alla'na anjo pattiro-tiroanga siagang bangunang-bangunang napakea sikamma imanga, nia' baruga 10 metere' sangkara'na, ri kairi siagang ri kananna Balla'Na Batara.

YEHEZKIEL 40:5

Nampa kucini' Balla'Na Batara nikulilingi ri tembo'. Appakkaramulami anjo tu bura'nea angngukkuruki anjo temboka siagang kayu pa'baku' tallua metere' la'buna. A'nassami angkanaya anjo temboka tinggina tallu metere' siagang kapala'na tallu todong metere'.

2 PATTOTTORANG 4:1

Assuro pareki Karaeng Salomo se're tampa' pakkoro'bangngang tambaga, la'buna siagang sangkara'na massing-massing 9 metere', siagang tinggina 4,5 metere'.

KALAPPASSANG 25:25

Pareki biring mejang 7,5 sentimetere' siagang sarei passimbang bulaeng tammulilina anjo birinna.