YEHEZKIEL 42:13 - KITTA' MATANGKASA'

¹³ Nakana anjo tu bura'nea ri nakke, “Anjo ruaya bangunang matangkasaki. Anjoreng, sikamma imanga akkulle andallekang ri kahaderanNa Batara, angnganre koro'bang kaminang matangkasaka. Anjoreng tommi musti natampakkang ke'nanga sikamma koro'bang kaminang matangkasaka, iamintu: koro'bang gandung siagang koro'bang pannangkasi dosa yareka koro'bang sambe karugiang.

YEHEZKIEL 42:13 Referans Kwoze

KAIMANGNGANG 10:17

“Angngapa natena nukanrei anjo koro'bang pammopporang dosaya ri tampa' matangkasaka? Anjo koro'banga teai sipato' tangkasa'na; Napassareangi Batara mae ri kau, sollanna nipammopporang dosana umma' Israel.

KAIMANGNGANG 7:6

Sikamma tu bura'nea lalang ri kaluargana imang-imanga akkullei nakanre anjo dageng koro'banga, mingka musti nakanrei ke'nanga ri tampa' le'baka nipattantu, nasaba' anjo koro'banga teai sipato' tangkasa'na.

YEHEZKIEL 40:46

nampa los a'dalle' waraka nipasadiakangi sikamma imang tugasaka ri tampa' pakkoro'bangnganga. Sikontu anjo imanga musti tau battu ri jari-jarina Zadok. Nasaba' battu ri suku Lewi poro jari-jarinaji bawang Zadok akkulle andallekang ri Batara untu' allayani ri Ia lalang ri wattu ibadana taua.

KAIMANGNGANG 14:13

Anjo ana' gimbalaka musti nasamballei ri tampa' tassa'laka, iamintu tampa' le'bakamo nipattantu untu' pammolongang olo'-olo' koro'bang pammopporang dosa siagang koro'bang nitunu. Anjo gimbalaka musti nisamballei anjoreng lanri anjo koro'bang passambe karugianga siagang koro'bang pammopporang dosaya teai sipato' tangkasa'na siagang a'jari bageannai imanga.

KAIMANGNGANG 6:29

Sikamma tu bura'nea lalang ri kaluargana imang-imanga akkullei nakanre anjo koro'bang sannaka tangkasa'na.

KALAPPASSANG 29:31

Allei anjo dagenna gimbala' laki nipakea lalang upacara palantikanna Harun siagang ana'-ana'na nampa nupallu anjo dagenga ri se'rea tampa' matangkasa'.

PAOLE 21:5

Sikamma imang tu Lewia musti a'lampa tongi mange anjoreng ri tampaka, lanri musti assarei ke'nanga kaputusang lalang sikamma parkara katerassanga. Nipilei ke'nanga ri Karaeng Allata'alanu untu' ampare' atai kalenna mae ri Batara, siagang ampabattui kana-kana barakkaka lalang arenNa Batara.

KAIMANGNGANG 24:9

Anjo rotia iami untu' bageanna Harun siagang jari-jarina. Musti nakanrei ke'nanga ri tampa' matangkasaka, nasaba' anjo rotia iamintu bageang sannaka tangkasa'na battu ri koro'bang nipassareanga mae ri Batara untu' sikamma imanga.

KAIMANGNGANG 10:3

Jari nakanamo Musa mae ri Harun, “Iaminjo natabaya kananNa Batara ri wattunna angkana, ‘Sikontu allayania mae ri Nakke musti napakala'biriki katangkasangKu. Kupa'nyatai kalompoangKu mae ri sikontu bansaKu.’ ” Mingka tena nakkana-kana Harun.

NEHEMIA 13:5

Elyasib napassareangi mae ri Tobia se're kamara' lompo, ia sitojenna nipasadiaya poro untu' amboliki passare gandunga, kamanynyanga, sikamma pakkakasa' Balla'Na Batara, passare untu' imang-imanga, passare bage sampulona gandunga, anggoro', siagang minynya' zaitun, ia lanibage-bagea mae ri tu Lewi, sikamma pamusika siagang pajaga pakke'bu' lompona Balla'Na Batara ri Yerusalem.

PAMMILANGNGANG 18:7

Mingka ikauji bawang siagang sikamma ana'nu akkulle anggaukangi tugasa' imanga, lalang sikontu jama-jamang niaka passisambunganna siagang tampa' pakkoro'bangnganga kammayatompa apa-apa niaka lalang ri Kamara' Kaminang Matangkasaka. Iaminjo tanggong jawa'nu, lanri le'ba' mako Kusare empoang salaku imang. Sikamma tau tenaya ha'na lanihukkungi punna nareppesi anjo barang-barang matangkasaka.”

PAMMILANGNGANG 16:40

Iaminjo a'jari pappiu'rangi mae ri bansa Israel angkanaya pantaranganna jari-jarina Harun, tena manna sitau akkulle battu mae ri tampa' pakkoro'bangnganga untu' attunu dupa mae ri Batara. Inai tau andakkai anjo paratoranga lanipanraki sangkamma Korah siagang sikontu tumminawanna. Yangasenna anjo kammaya nigaukangi situru' apa Naparentakanga Batara mae ri Eleazar tete ri Musa.

PAMMILANGNGANG 16:5

Nampa nakana mae ri Korah siagang sikamma tumminawanna, “Ammuko bari'basa' laNappicinikangi Batara mae ri katte angkana inai umma'Na, siagang inai nisa'la' untu' mae ri KalenNa. Tau Napilea lanipa'biangi a'reppese' mae ri Ia.

KAIMANGNGANG 21:22

Mingka akkullei nakanre kanre nipassareanga, baji' koro'bang kanre-kanreang matangkasaka kammayatompa koro'bang kanre-kanreang sannaka matangkasa'na.

KAIMANGNGANG 7:1

Iaminne paratorang-paratorang ri passala'na koro'bang passambe karugianga. Anjo koro'banga teai sipato' tangkasa'na.

KAIMANGNGANG 2:10

La'binnaya, iaminjo bageanna sikamma imanga. Anjo rotia teai sipato' tangkasa'na lanri niallei battu ri kanre le'bakamo nipassareang mae ri Batara.

KAIMANGNGANG 2:3

La'binna anjo koro'bang nipatalaya iaminjo bageanna sikamma imanga. Anjo koro'banga teai sipato' tangkasa'na lanri niallei battu ri kanre le'bakamo nipassareang mae ri Batara.

YEHEZKIEL 40:38

Ri paranglakkeng bageang pantarang nia' se're kamara' pannambai ri pakke'bu' lompo bageang lalang ri bageang wara'. Battu ri anjo kamara' pannambaia nia' se're pakke'bu' a'lampa mange ri kamara' lompoa. Anjoremmi nibissai sikamma olo'-olo' eroka nipassareang a'jari koro'bang nitunu.

YEHEZKIEL 41:12

Ri ba'leanna paranglakkeng bageang ilauka, nia' bangunang lompo, la'buna 45 metere' siagang sangkara'na 35 metere', nampa kapala'na sikamma rinrinna 2,5 metere'.

YEHEZKIEL 42:1

Nampa naeranga' anjo tu bura'nea mange ri paranglakkeng bageang pantarang na narurunganga' mange ri bangunang maraeng ri bageang wara'na Balla'Na Batara, tena nabella battu ri bangunang lompoa ri bageang ilau'na anjo Balla'Na Batara.

KAIMANGNGANG 6:19

Napassareangi Batara mae ri Musa anne paratorang-paratoranga,