YEHEZKIEL 40:5 - KITTA' MATANGKASA'

⁵ Nampa kucini' Balla'Na Batara nikulilingi ri tembo'. Appakkaramulami anjo tu bura'nea angngukkuruki anjo temboka siagang kayu pa'baku' tallua metere' la'buna. A'nassami angkanaya anjo temboka tinggina tallu metere' siagang kapala'na tallu todong metere'.

YEHEZKIEL 40:5 Referans Kwoze

YEHEZKIEL 42:20

Jari, tampa' antamaya ri daerana Balla'Na Batara, iamintu appa' pasagi, 250 metere' ri tunggala' sa'rinna. Anjo tampaka nikulilingi ri se'reang tembo' untu' ansimbangi daera nisa'laka untu' Batara battu ri daerana tau jaia.

YESAYA 26:1

Anjo wattua lanakelongangi taua anne kelonga ri butta Yehuda: “Tamaka kassa'na kotata; KalenNa Allata'ala ambangungi pattahanganNa, anrinni lasalamakki'.

PAPPICINI' 21:12

Tembo'na attammulili sanna' lompona siagang tinggina; nia' sampulo anrua pakke'bu' lompona, na nijagai ri sampulo anrua malaeka'. Massing nia' tattulisi' ri anjo pakke'bu' lompoa areng-arenna anjo sampuloa anrua suku bansa Israel.

ZAKHARIA 2:5

Le'baki a'janji Batara angkanaya Ia KalenNa la'jari tembo' pepe' antammulili anjo kotaya untu' alla'langngi. Siagang Ia lammantang anjoreng lalang sikontu koasa siagang kalompoanNa.”

YESAYA 60:18

Tenamo kabara'na nikanaya katerassang nigaukang ri pa'rasangannu, nikanaya kaancuranga siagang karuntungang ri daeranu. RapangA' tembo' lanjagaiko, nalanupujiA' a'jari mappasalama'nu.

PAMMUJI 125:2

Sanrapang moncong-moncong alla'langi Yerusalem, kammaminjo bateNa Batara alla'langi umma'Na anne kamma siagang satunggu-tungguna.

PAOLE 3:11

Anjo Karaeng Og iami karaeng kala'busanga ri tu Refaim. Patti maya'na iamintu batu nipare'; la'buna appa' metere' na sangkara'na a'biringi rua metere' situru' siagang ukkurang le'baka nipattantu. Sa'genna kamma-kamma anne akkulle iji nicini' ri Raba, kotana tu Amon.)

YEHEZKIEL 41:8

Tembo' bageang pantaranna anjo sikamma kamaraka 2,5 metere' kapala'na. Anjo bangunanga nia' pakke'bu'na a'lampa mange ri kamara'-kamara' bageang wara'na Balla'Na Batara, siagang pakke'bu' maraenga a'lampa mangei ri kamara'-kamara' bageang timboro'. Ri tammulilina Balla'Na Batara nia' pattiro-tiroang 2,5 metere' sangkara'na; tampa'na 3 metere' battu ri buttaya, siagang nipareka sangkamma tinggina siagang pundasina sikamma kamaraka ri tembo' Balla'Na Batara. Ri alla'na anjo pattiro-tiroanga siagang bangunang-bangunang napakea sikamma imanga, nia' baruga 10 metere' sangkara'na, ri kairi siagang ri kananna Balla'Na Batara.

YEHEZKIEL 43:13

Iaminne ukkuranna tampa' pakkoro'bangnganga situru' ukkurang nipakea angngukkuruki Balla'Na Batara. Ri tammulilina bangkeng tampa' pakkoro'bangnganga nia' se're kaloro' sitangnga metere' lantanna siagang sangkara'na sitangnga metere' todong; siagang birinna bageang pantara'na siparapa' metere' tinggina.

YEHEZKIEL 42:15

Le'baki anjo tu bura'nea naukkuru' bangunanna Balla'Na Batara bageang lalanga, naeramma' assulu' allalo ri pakke'bu' lompo bageang iraya, nampa naukkuru' bageang tammulilina Balla'Na Batara.