Biblia Todo Logo
Bib sou entènèt

- Piblisite -




YEHEZKIEL 40:22 - KITTA' MATANGKASA'

22 Kammayatompa kamara' lompona, jandela-jandelana, siagang ukirang-ukirang poko' kayu palemna sangkamma kabusuki siagang niaka ri pakke'bu' lompo bageang irayaya. Nia' tuju lonjo'na tuka' mangea ri anjo pakke'bu' lompoa, siagang ri cappa'na nia' kamara' lompo a'dalle' mangea ri paranglakkeng bageang pantaranna Balla'Na Batara.

Gade chapit la Kopi




YEHEZKIEL 40:22
17 Referans Kwoze  

Kamara' ri dallekanna a'dalle' mange tongi ri paranglakkeng bageang pantaranga. Tembo'-tembo' bageang lalang a'dalle' mangea ri loronga, nibelo-beloi siagang ukirang-ukirang poko' palem. Sagantuju baringang tuka'na a'lampa mangei ri anjo pakke'bu' lompoa.


Mingka kamara' lompona a'dalle' mangei ri paranglakkeng bageang pantaraka. Tembo'-tembo' bageang lalang a'dalle' mangea ri loronga, nibelo-belo tongi siagang ukirang-ukirang poko' palem. Sagantuju baringang tuka'na a'lampa mangei ri anjo pakke'bu' lompoa.


Ri tembo' ri bokoanga siagang tembo'-tembo' passimbang anjo kamara'-kamaraka nia' jandela-jandela ca'di. Tembo'-tembo' bageang lalang andallekanga mange ri loronga, nibelo-beloi siagang ukirang-ukirang poko' palem.


Nampa a'lampa mange ri pakke'bu' lompo a'dalle' anraika. Angngambiki nai' ri tukaka, nampa ri wattunna battu nai', naukkuru'mi sangkara' bageang ratena anjo pakke'buka, nania' tallu metere' sangkara'na.


Kamara' lompona a'dalle' mangei ri paranglakkeng bageang pantaranga. Tembo'-tembo' bageang lalang a'dalle' mangea ri loronga, nibelo-beloi tongi siagang ukirang-ukirang poko' palem. Sagantuju baringang tuka'na a'lampa mangei ri anjo pakke'bu' lompoa.


Tuju lonjo'na tuka' mangea ri anjo pakke'bu' lompoa, siagang kamara' lompona nia' todong cappa'na, a'dalle' mange ri paranglakkeng bageang pantaranna Balla'Na Batara. Tembo'-tembo' bageang lalang a'dalle' mangea ri loronga, nibelo-beloi siagang ukirang-ukirang poko' palem.


Le'baki anjo kucinikimi pole, na nia'mo kucini' tamparang tau, sannaka jaina tau bonena; tena manna sitau akkulle anrekengi jaina! Ia ke'nanga tau battu ri massing-massing bansa, suku, pa'rasangang, siagang bahasa. Ammenteng ngasengi anjo tau jaia andallekang mae ri empoang kala'biranga siagang andallekang mae ri anjo Ana' Gimbalaka; ammakeang juba kebo' ngasengi ke'nanga siagang massing anna'galaki leko'-leko' kaluku lolo.


Lanri kammana, mae mako nakimaju ri pappilajarang-pappilajarang ribokoangannaya pole, iamintu ri passala'na kajarrekanna katallassang Karistenga. Teako tuli poko' pangngajarang rioloa bawang nuparhatikang. Tea' maki' ammoteri pole mange ri pappilajarang uru-urua, iamintu angkanaya musti ammari taua anggaukangi apa-apa tenaya matu-matunna, siagang musti tappakki' mae ri Allata'ala;


Kamara' makase'rea nisarei papang kayu camara kaminang bajika siagang nilapisi' bulaeng toa. Ri anjo lapisang bulaenga nia' ukirang gambara' poko' palem siagang gambara' rante.


Benteng-benteng pannahanga siagang anjo papang-papanga nibelo-beloi siagang gambara' malaeka' akka'nyi', singa, siagang poko' palem ri kere-kereanga nia' tampa' kosong untu' anjo gambaraka, kammayatompa bunga-bunga ri tammulilina.


Papang-papanna anjo pakke'buka nibelo-beloi ukirang malaeka' akka'nyi', poko'-poko' palem, siagang bunga ta'bakkara'. Yangasenna anjo ukiranga nilapisi siagang bulaeng.


Anjo ruaya pakke'bu' nibelo-beloi siagang ukirang malaeka' akka'nyi', poko'-poko' palem, siagang bunga-bunga ta'bakkara'. Papang pakke'bu', patung malaeka' akka'nyi' siagang ukirang poko'-poko' palem, yangasenna nilapisi siagang bulaeng.


Sikontu bageang lalanna anjo Balla'Na Batara nibelo-beloi siagang ukirang gambara' malaeka' akka'nyi' siagang poko'-poko' palem, siagang bunga-bunga ta'bakkaraka.


Sikamma jandelaya ri kamara'-kamaraka sangkammai siagang niaka ri pakke'bu' lompo maraenga. La'buna anjo loronga lompoa 25 metere' siagang sangkara'na 12,5 metere'.


Sikamma kamara' jagana, kamara' lompona, siagang tembo'-tembo' bageang lalanna sangkammai siagang niaka ri sikamma pakke'bu' lompo maraenga. Sikamma kamaraka anrinni nia' todong jandela-jandelana. Lorong-lorong lompona 25 metere' la'buna siagang sangkara'na 12,5 metere'.


Ri rinring kairina siagang ri kananna anjo kamaraka nia' jandela-jandela: tallung jijiri' ri rinring se'reanga assidallekang siagang tallung jijiri' ri rinring maraenganga. Lesna sikamma pakke'buka siagang jandelaya modele'na appa' pasagi la'buna.


Swiv nou:

Piblisite


Piblisite