YEHEZKIEL 39:5 - KITTA' MATANGKASA'

⁵ Anjo sikamma tantaraya latu'guruki na mate ri koko-kokoa. INakke, Batara Kaminang Tinggia, anne akkana.

YEHEZKIEL 39:5 Referans Kwoze

YEHEZKIEL 32:4

LaKupatappasakko naung ri buttaya nampa sikontu jangang-janganga siagang olo'-olo' battua ri sikontu linoa laKusuroi angkanreko.

YEHEZKIEL 29:5

Nampa ikau siagang sikontu anjo jukuka Kupasambilako mange ri parang kassika. Latattappasaki kalennu naung ri buttaya siagang ammonrang mako anjoreng. Tena manna sitau lantarawangko. Tubunu laKupassareangi mae ri jangang-janganga siagang olo'-olo' maraenga untu' nakanre.

YEREMIA 22:19

Lanire'resangi Yoyakim nampa nipasambila assulu' battu ri pakke'bu' lompona Yerusalem, sangkamma nagaukanga taua mae ri keledai matea.”

YEREMIA 8:2

teai untu' nipasse're nampa nitarawang ammotere', passangalinna untu' nibalang parekang ri buttaya sangkamma loro. Sikamma buku-bukunna anjo taua latassiaraki ri dallekanna mataalloa, bulanga siagang sikamma bintoeng napareka rewata ke'nanga, nangaia, nalayania, nasombaya, siagang napappalakkia pitunju'.

YEHEZKIEL 35:8

Sikamma monconga laKutongkoki siagang maya'-maya'nu, buluka siagang ka'bunga laKupirassi siagang tau mate lalang pa'bundukang.

YEHEZKIEL 39:4

Irate ri daera moncong-monconna Israel, lamate Gog siagang sikontu tantarana kammayatompa sikontu naaganga sita'gala'; nampa maya'-maya'na ke'nanga laKupassareangi mae ri jangang-janganga siagang olo'-olo' sekkeka untu' nakanre.

YEHEZKIEL 39:6

Lappa'niakKa' pepe' akkanre ri butta Magog siagang ri sikamma biring tamparanga, ri daera amanga siagang sannanga katallassanna pandudu'na. Jari naasseng ngasemmi ke'nanga angkanaya iNakkemi Batara.

YESAYA 24:21

Anjo wattua laNahukkungi Batara sikamma tukoasaya ri sikontu linoa siagang sikamma karaenga ri buttaya.