YEHEZKIEL 39:18 - KITTA' MATANGKASA'

¹⁸ Akkullei ke'nanga angnganre maya'-maya' pasukang tu barani, angnginungi cera'na sikamma pamarentaya ri lino. Anjo sikamma pasukanga siagang pamarentaya lanibunoi sanrapang bembe laki yareka ana'-ana' bembe, yareka sapi-sapi liara' co'moka.

YEHEZKIEL 39:18 Referans Kwoze

PAMMUJI 22:12

TeaKi' bellai, saba' a'reppese'mi bahayaya, na tena antulunga'.

YEREMIA 51:40

LaKuerangi ke'nanga untu' nisamballe rapang ana' gimbala', bembe, siagang gimbala' laki. INakke, Batara, anne a'bicara.”

AMOS 4:1

Pilangngeri, he sikamma bai'-bainea ri Samaria pila' co'moka rapang sapi-sapi co'moka ri Basan! Nujallakkangi tau tenaya pakkullena, nupaccoki tu kasi-asia, siagang nutuntuki bura'nennu sollanna tuli napasadiangko inungang terasa'!

YEHEZKIEL 29:5

Nampa ikau siagang sikontu anjo jukuka Kupasambilako mange ri parang kassika. Latattappasaki kalennu naung ri buttaya siagang ammonrang mako anjoreng. Tena manna sitau lantarawangko. Tubunu laKupassareangi mae ri jangang-janganga siagang olo'-olo' maraenga untu' nakanre.

YEREMIA 50:27

Bunoi sikontu tantarana! Bunoi ke'nanga! Cilakami bansa Babel! Narapi'mi wattunna nihukkung ke'nanga!” (

PAPPICINI' 19:21

Nampa nibuno ngaseng tantarana ke'nanga siagang pa'dang assuluka battu ri bawana anjo padongko' jarang keboka. Nabattu ngasemmo jangang-janganga angkanrea tojengi assinna anjo ke'nanga nibunoa.

YEHEZKIEL 34:17

Pilangngeri, he sikamma gimbalakKu! INakke, Batara Kaminang Tinggia Kukana ri kau angkanaya massing laKuadeliko siagang Kusa'laki bajika battu ri ja'dalaka, sikamma gimbalaka battu ri sikamma bembea.

YEHEZKIEL 34:8

Lanri iNakke, Allata'ala mattallasaka, parhatikangi! Nikokkoki siagang nikanrei sikamma gimbalakku ri olo'-olo' sekkeka, lanri tena angkalawaki ke'nanga. Ikau sikamma pakalawakingKu tena nanujampangi anjo sikamma gimbalaka. Poro kaparalluang kalennu bawang nunawa-nawa, teai kaparalluanna sikamma gimbala'nu.

YEREMIA 50:11

Nakana Batara, “He tu Babel, nuellaki ummakKu. A'lumpa'-lumpakko napakamma rannu rapang jarang assa'raya, siagang rapang sapi a'rukuka.

YESAYA 34:7

Lamatei taua rapang sapi liara' siagang sapi rungka. Laejai pa'rasanganna ke'nanga napakamma cera' siagang larassi siagang janna.

PAMMUJI 68:30

Sikamma karaenga angngerangi passare mae ri Katte ri BallatTa ri Yerusalem.

PAOLE 32:14

Olo'-olo'na appabattui wassele' jai dageng siagang dadi'; gandunna siagang je'ne' anggoro'na kaminang baji'.

YEREMIA 46:5

Mingka inakke, Batara, Kuciniki ke'nanga ammunduru' napakamma malla'. Sikamma tantarana nibetai, lari napakamma malla' tamassaile mae ri boko.

YEHEZKIEL 39:19

Punna le'baki Kubuno sikamma anjo taua rapang koro'bang, sikamma jangang-janganga siagang olo'-olo' maraengannaya lanakanrei sikontu jannana sa'genna takkoa'; kammayatompa lanainungi cera'na sa'genna nasa'ring.

YESAYA 34:6

Lattalaka ceraki pa'danNa Batara siagang larassi jannana ke'nanga, rapang cera'na siagang jannana olo'-olo' nikoro'bangkanga. Saba' appasadiai Batara koro'bang ri Bozra, siagang lajai tau Nabuno ri butta Edom.