YEHEZKIEL 39:14 - KITTA' MATANGKASA'

¹⁴ Allalonamo anjo wattu tuju bulanga, nia' siapa are tau lanisare tugasa' untu' angnginroi anjo pa'rasanganga amboyai maya'-maya' niaka ija tassiara'; na punna nia' nabuntulu', natarawangi ke'nanga anjo mayaka sollanna natangkasa' anjo pa'rasanganga battu ri kara'massanga.

YEHEZKIEL 39:14 Referans Kwoze

YEHEZKIEL 39:12

Tuju bulangi sallona Israel akkareso antarawangi anjo sikontu tau matea sollanna tenamo nara'masa' anjo tampaka.

YEREMIA 14:16

Sikamma tau antarimaya anjo sikamma botona ke'nanga lanibuno kamma tongi anjo carana. Lanipasambilai maya'na ke'nanga mange ri sikamma agang-aganga ri Yerusalem natena antarawangi ke'nanga. Kammami anjo sarenna ke'nanga siagang tubai'-bainena siagang ana'na ke'nanga. LaKusarei ke'nanga angkasiaki apa kale'bakkanna kaja'dallanna ke'nanga.”

YEHEZKIEL 39:15

Lalang ri anjo pa'jappanna ke'nanga, punna anggappai buku tau, lanasarei pammatei sa'rinna, sollanna nacini' patarawanga nampa natarawang anjo buku taua ri Ka'bung Pasukang Gog.