YEHEZKIEL 38:5 - KITTA' MATANGKASA'

⁵ Nirurungangi karaenga ri tantara-tantara Persia, Sudan siagang Libia, massing angngeranga pa'dang siagang topi baja.

YEHEZKIEL 38:5 Referans Kwoze

YEHEZKIEL 27:10

Tantara-tantara battu ri Persia, Lidia siagang Libia antamaki ri tantaranu. Nagentungi ke'nanga pannangkisi'na siagang topi bajana ri tembo'-tembo' kotanu. Le'ba' mako nabantu ke'nanga ambetai musu-musunnu siagang pila' katambangi masahoro'nu.

PA'JARIANG 10:6

Sikamma ana'na Ham iamintu: Kus, Mesir, Libia, siagang Kanaan.

YEHEZKIEL 30:5

Lalang ri anjo pa'bundukanga lanibuno tommi sikamma tantara nisewaya battu ri Sudan, Lidia, Libia, Arab, Kub siagang ba'lalo battu ri bansa KalengKu.”

NAHUM 3:9

Tebe ammarentai mae ri Sudan siagang Mesir, na koasana tena sanggana; Libia siagang Put naagangi sita'gala'.

1 PATTOTTORANG 1:8

Ana'-ana' bura'nena Ham iamintu: Kus, Mesir, Libia siagang Kanaan. Iaminne ke'nanga boe-boena bansa-bansa niarenga situru' arenna ke'nanga.

PA'JARIANG 10:8

Kus nia' ana'na bura'ne niarenga Nimrod, ia uru a'jaria tu pore siagang barani ri lino.

2 PATTOTTORANG 36:20

Ra'ya' ta'lappasaka nalalingi mange ri Babel. Anjorengi ke'nanga nipa'jari atanna karaenga siagang atanna jari-jarina karaenga sa'genna ri jammang kakoasanna kakaraengang Persia.

EZRA 1:1

Ri taung makase're ammarenta Kores, karaeng Persia, Narupaimi Batara apa le'baka Napau tete ri Na'bi Yeremia. Napagio'mi Batara nyawana Kores untu' appasulu' se're parenta, nibacaya ri sikontu kakaraenganna. Ia bonena anjo sura' parentaya iamintu:

YEHEZKIEL 30:4

Bala lompo lantujui Sudan. Ri Mesir lania' pa'bundukang. Jai tau lamate; niellaki sikontu pa'rasanganga siagang lanipa'jari rumbangngang.

DANIEL 8:20

Anjo gimbala' laki nucinika, ruaya tanru'na, iami pangngebaranna kakaraengang Media siagang Persia.