YEHEZKIEL 38:22 - KITTA' MATANGKASA'

²² LaKuhukkungi siagang garring kammayatompa cera' assolong. Bosi lompo, bosi es, pepe' siagang batu a'bara laKutumpa mae ri ia siagang tantarana kammayatompa mae ri sikamma tantara naaganga sita'gala'.

YEHEZKIEL 38:22 Referans Kwoze

PAPPICINI' 16:21

Turummi bosi es lompoa, massing ta'limampuloa kilo battala'na tassilitere'; tu'guruki battu rate ri langika nanatuju ngaseng rupataua. Natunraimi ke'nanga Allata'ala passabakkang anjo bala bosi es sannaka heba'na.

PAMMUJI 11:6

Nahukkungi tu ja'dalaka siagang bala lompo, siagang pepe', batu a'rinra siagang anging appakamutunga.

YEHEZKIEL 13:11

He, na'bi-na'bi takontutojenga, laruntungi tembo'nu. LappaturungA' bosi lompo. Anjo temboka lanitujui ri anging barubu siagang lanitujui ri bosi es,

YEREMIA 25:31

Sa'genna cappa'na buttaya kalangngerang sa'ranNa; appareki parkara Batara mae ri bansa-bansaya. Sikontu taua laniadeli siagang tau ja'dalaka lanihukkung matei.’ ”

YESAYA 66:16

Saba' sikontu tau nigappaya nia' salana lanihukkungi siagang pepe' na pa'dang, siagang jaimi nihukkung mate.

YESAYA 28:17

Kaadelanga laKupa'jari pa'baku', siagang kalambusanga Kupa'jari pangngukkuru'.” Bosi batua lambarrasaki sa'genna tangkasa' sikamma balle-balle nupattoanga. A'baya langnganyukkangi tampa' paccokkoannu.

YEHEZKIEL 5:17

Pantaranganna bala kacipuranga, lappabattu tongA' garring, kapallakang siagang bundu', untu' ambunoi pandudu'nu, siagang olo'-olo' sekkeka untu' ambunoi ana'-ana'na ke'nanga. INakke, Batara, anne akkana.”

YESAYA 29:6

LaNapakabebasaki Batara Kaminang Makoasaya anjo kotaya siagang anging lompo kammayatompa Napata'ge'goso' lompoi buttaya. Lappabattui anging kancang siagang pepe' a'jalloka rinrana.

YOSUA 10:11

Ri wattunna naung tu Amori battu ri pungku'na anjo monconga ampilari tantara Israel, appaturummi Batara bosi es lompo battu ri langika antujui ke'nanga ri aganga sa'genna mange ri Azeka. Jaiangngangi anjo mate nitujua ri es kala nibunoa ri tu Israel.

PA'JARIANG 19:24

Ti'ring appaturummi Batara bosi bara pepe' irateanna kota Sodom siagang Gomora.

MATIUS 7:27

Ri wattunna battu bosia siagang a'baya kammayatompa anging barubua antujui anjo ballaka, anra'bami. Nateaimi sipato' sanna'na panra'na anjo ballaka!”

PAPPICINI' 8:7

Napasa'rami tarompe'na malaeka' makase'rea; turummi bosia kamma es siagang pepe', accampuruki siagang cera' sannaka batena a'lo'loro' naung ri buttaya. La'busu'mi bage talluna linoa akkanre; kammayatompa bage tallunna poko'-poko' kayua, siagang sikamma ruku'-ruku' moncongbuloa.

PAPPICINI' 14:10

anjo taua langnginungi anggoro'Na Allata'ala, iamintu anggoro' pangngalarroinNa le'bakamo nipanaung ri pangnginunganna; manna sike'de' tena nalanipakurang anjo anggoro' pangngalarroia! Yangasenna anjo taua lanisessai lalang ri pepeka siagang bara a'rinraya ri dallekanna malaeka'-malaeka' matangkasaka siagang ri dallekanNa anjo Ana' Gimbalaka.

PAPPICINI' 20:9

Ta'bage-bagemi ke'nanga a'la'bang mae ri sikontu linoa, nampa nakurung pammantanganna Umma'Na Allata'ala siagang kota Nakamaseanga Allata'ala. Mingka naummi pepeka battu ri langika nampa naancu'-ancuru' ke'nanga.

YESAYA 34:3

Sikamma maya'na ke'nanga tena nalanitarawang, mingka nibalang parekangi sa'genna a'jari a'rasa siagang a'jari botto'. Sikamma monconga la'jari ejai lanri attalaka cera'na.

YEHEZKIEL 28:23

LappabattuA' garring, siagang laKulappassangi assolong ceraka ri sikamma oloannu. Lanibundukiko ri musu battu ri kere-keremae, siagang pandudu'nu lanibunoi. Jari nuassemmi angkanaya iNakkemi Batara.’ ”

YEHEZKIEL 39:6

Lappa'niakKa' pepe' akkanre ri butta Magog siagang ri sikamma biring tamparanga, ri daera amanga siagang sannanga katallassanna pandudu'na. Jari naasseng ngasemmi ke'nanga angkanaya iNakkemi Batara.

YO"EL 3:2

Sikontu bansaya laKupasse'rei nampa Kuerang mange ri Ka'bung Pangadelanga. Nampa Kuadeli ke'nanga anjoreng lanri kaja'dallanna ke'nanga mae ri ummakKu, iamintu lanri nabage-bagena butta Israel nampa napela' ummakKu mange ri a'rupa-rupa pa'rasangang.