YEHEZKIEL 38:21 - KITTA' MATANGKASA'

²¹ Nampa laKupata'bangka Gog siagang a'rupa-rupa bala. INakke, Batara Kaminang Tinggia, anne akkana. Lasibunduki para ana' buana siagang pa'danna ke'nanga.

YEHEZKIEL 38:21 Referans Kwoze

HAGAI 2:22

sikamma kakaraenganga laKurumbangi siagang Kuancuru' kakoasanna ke'nanga. Kareta-kareta bundu'na siagang paeranna laKuparateangi bangkenna; sikontu jaranga lamate kabusuki siagang pabaena lamassing sibuno-bunoi.

YEHEZKIEL 14:17

Nakulle kapang appabattuA' pa'bundukang ri anjo pa'rasanganga, nakukiring sanjata-sanjata porea untu' ampanraki baji' rupataua kammayatompa olo'-oloka.

HAKING-HAKING 7:22

Ri wattunna napasa'ra tarompe'na Gideon siagang sikontu taunna, napasibundu'mi siagang Batara anjo tantara musua para ia. Larimi ke'nanga mange ri Zerera sa'genna Bet-Sita na kota Abel-Mehola rampi'na Tabat bellana.

2 PATTOTTORANG 20:23

Tantara Amon siagang Moab ambakkai tantara Edom nampa naancuru' tabasikali. Nampa a'giling ke'nanga para ia sibakkai a'bundu' lompo.

1 SAMUEL 14:20

Nampa Saul siagang sikamma taunna appada-padami maju mange ri tampa' pa'bundukanga. Anjoreng nacini'mi ke'nanga karicuanga ri tu Filistin; para iami ke'nanga a'bundu' siagang sibuno-buno.

PAMMUJI 105:16

Napabattui Batara kacipuranga ri anjo pa'rasanganga, na Naalle sikontu parsadiaang kanrea.

YESAYA 66:16

Saba' sikontu tau nigappaya nia' salana lanihukkungi siagang pepe' na pa'dang, siagang jaimi nihukkung mate.

YEREMIA 25:29

LaKupakaramulai anjo pangngancuranga ri kota KalengKu. Gassingka nakapangi ke'nanga angkanaya tena nalanihukkung ke'nanga. Ma'nassa lanihukkungi ke'nanga lanri laKupabattui pa'bundukanga mae ri sikontu bansaya ri sikontu linoa. INakke, Batara Kaminang Koasaya, anne akkana.

ZAKHARIA 14:13

Ri anjo alloa laNapa'jari lingui Batara sikamma anjo bansa-bansaya siagang a'jari sanna' malla'na ke'nanga, sa'genna tunggala' taua lanajakkalaki aganna niaka ri sa'rinna na nabuccu'.