YEHEZKIEL 38:15 - KITTA' MATANGKASA'

¹⁵ A'lampako battu ri pa'rasangannu, bella battu wara', nirurungang ri tantara lompo siagang heba', yangasenna pasukang a'jarang battu ri a'rupa-rupaya bansa.

YEHEZKIEL 38:15 Referans Kwoze

YEHEZKIEL 39:2

INakke lampalekkoi, siagang Kuerangi assulu' battu ri daera bellaya bageang wara', mange ri daera monconna Israel.

YEHEZKIEL 38:6

Sikontu tantara pejuang battua ri pa'rasangang Gomer siagang Bet-Togarma wara', majui siagang ia, kammayatompa jai bansa maraeng amminawang todong maju.

PAPPICINI' 20:8

nala'lampamo natipu bansa-bansa tassiaraka ri sikontu linoa iamintu Gog siagang Magog. Nipa'rappungammi ri Billisika ke'nanga untu' a'bundu'; sanna' jaina ke'nanga, sanrapangi kassi' ri tamparanga jaina.

PAPPICINI' 16:16

Nampa napa'rappung ngaseng roh-roh anjo sikontu karaenga ri tampa' niarenga lalang bahasa Ibrani: Harmagedon.

PAPPICINI' 16:14

Iaminjo ke'nanga roh-roh ja'dalaka, appareka panggaukang appakalanna'-lannasa'. A'lampami anjo tallua roh mae ri sikontu karaenga ri sikontu linoa nampa napa'rappungang ke'nanga untu' a'bundu' ri Allo lompoa, iamintu AllonNa Allata'ala Kaminang Koasaya.

ZEFANYA 3:8

Mingka tutuko! Tayammi allonna naKuammenteng nai' untu' antuntukko. Nasaba' le'ba'mi Kupattantu untu' ampa'rappungi bansa-bansaya siagang kakaraengang-kakaraenganga untu' ampabattui pangngalarroingKu mae ri ke'nanga. Sikontu buttaya lala'busuki nakanre pepe' pangngalarroingKu.

YO"EL 3:2

Sikontu bansaya laKupasse'rei nampa Kuerang mange ri Ka'bung Pangadelanga. Nampa Kuadeli ke'nanga anjoreng lanri kaja'dallanna ke'nanga mae ri ummakKu, iamintu lanri nabage-bagena butta Israel nampa napela' ummakKu mange ri a'rupa-rupa pa'rasangang.

DANIEL 11:40

Punna la'birimmo battu allo kala'busanna kakoasanna anjo karaeng pa'rasangang waraka, labattumi karaeng pa'rasangang timboroka untu' ambunduki. Nampa karaeng pa'rasangang waraka lanabalasaki anjo bunduka siagang kabaraniang lompo. Lanapagioki kareta bundu' jaia, jarang na kappalaka. Lamajui rapang je'ne' a'baya, nampa jaimo pa'rasangang naempoi.

YEHEZKIEL 38:4

LaKupalekkoi, laKupitabai pakkai' cango-cangona, nampa Kupasinta' assulu' siagang sikontu pasukanna. Jai sikali pasukang a'jaranna, ammakeang sangkamma-kammaya. Tunggala' tantarana massing angngerangi pannangkisi' siagang pa'dang.

YEHEZKIEL 32:30

Sikamma karaenga battu wara' niaki anjoreng, kammayatompa tu Sidon. Riolo kakoasanna ke'nanga appakamallaki, mingka kamma-kamma anne nipakasiri'mi ke'nanga, siagang tena nisunnaki nantama' ri linona tau matea siagang ngaseng sikamma tau matea lalang pa'bundukang. Anjorengi ke'nanga anra'ba siagang natanggongi ra'masa'na siagang ngaseng sikamma tau naunga ri linona tau matea.

YO"EL 3:11

Umba, battu mako linta', he sikontu bansa-bansaya battu attammulili! A'rappungko anjoreng ri ka'bunga.” O Batara, suro laloi tantaraTa ambunduki ke'nanga!