YEHEZKIEL 37:28 - KITTA' MATANGKASA'

²⁸ Punna nia'mi BallakKu ri tangnga-tangngana ke'nanga untu' satunggu-tungguna, lanaassemmi bansa-bansa maraenga angkanaya iNakke, Batara, le'ba' ampilei Israel a'jari ummakKu.”

YEHEZKIEL 37:28 Referans Kwoze

YEHEZKIEL 20:12

Kusuroi ke'nanga ampakalompoi allo Pammari-marianga salaku pammatei parjanjiangKu siagang ke'nanga, untu' ampiu'rangiangi ke'nanga angkana iNakke Batara, le'baka ansa'laki ke'nanga a'jari ummakKu.

KALAPPASSANG 31:13

untu' ampa'la'bangi napau mae ri bansa Israel, angkana, “Pakalompoi Allo Pammari-marianga, iamintu allo le'baka Kupattantu a'jari allo pammari-mariang. Sa'genna satunggu-tungguna anjo alloa a'jari pappiu'rangi mae ri kau siagang iNakke, sollanna nuasseng angkana iNakke Batara, kammayatompa angkanaya le'ba' mako Kupa'jari bansa KalengKu.

YEHEZKIEL 36:23

LaKupicinikiangko anjo katangkassanna areng malompoKu, iamintu areng le'baka nura'massi ri tangnga-tangngana bansa-bansaya, sa'genna nuassemmo angkanaya iNakkemi Batara. INakke, Batara Kaminang Tinggia anne akkana. LaKupakeko untu' ampappicinikangi mae ri bansa-bansaya angkanaya iNakke anne matangkasakKa', Batara tenaya ruanna.

EFESUS 5:26

NaNagaukang Almasi anjo kammaya, sollanna akkulle Natangkasi jama'aka lalang ri pangngajaranNa kammayatompa lalang ri je'ne' pa'je'ne', nampa akkulle Napassareang anjo jama'aka mae ri Allata'ala.

1 KORINTUS 1:30

KalenNa Allata'ala ampasse'rei katallassannu siagang Isa Almasi. Tete ri Isa Almasi nanipa'jariki' cara'de'. Siagang tete ri Iatommi naNapasibajiki maki' Allata'ala mae ri KalenNa, iamintu Napa'jari maki' umma'Na, kammayatompa Napa'jari bebasa' maki'.

KAIMANGNGANG 21:8

Bansa Israelka musti naakui imanga salaku tau le'baka nisa'la' untu' iNakke, nasaba' iami assare koro'bang kanre-kanreang mae ri Nakke. INakke Batara; iNakke anne matangkasakKa' siagang Kutangkasi ummakKu.

1 TESALONIKA 5:23

Poro KalenNa Allata'ala, assareaki' kasalewangang, ampa'jariko tau attojeng-tojenga attallasa' untu' Allata'ala bawang. Poro Allata'ala anjagai sikontu batangkalennu, baji' roh, nyawa, yareka tubunu; sa'genna tena callannu sallang ri wattunna battu poleang Batarata Isa Almasi.

ROMA 11:15

Lanri nisorongbokona ke'nanga ri Allata'ala, na'jari baji'mo ammotere' passisambunganNa Allata'ala siagang linoa; jari la'biangampa pole punna nitarima ke'nanga ri Allata'ala! Tantu sangkamma le'ba'mi ke'nanga tau mate attallasa' poleanga ammotere'!

YEHEZKIEL 39:7

Mingka ri tangnga-tangngana tu Israel, laKupa'nyatai arengKu matangkasaka, siagang tenamo nalanira'massi arengKu. Jari naassemmi bansa-bansaya angkanaya iNakkemi Batara, iamintu Allata'ala matangkasaka ri Israel.”

YEHEZKIEL 38:23

Kammami anjo caraKu lampappicinikangi mae ri sikontu bansaya angkanaya iNakke la'birikKa' Kumatangkasa'. Jari lanaassemmi ke'nanga angkanaya iNakkemi Batara.”

YEHEZKIEL 36:36

Jari bansa-bansa singngampi'na ia niaka ija, lanaassemmi angkanaya iNakke, Batara, le'ba' ambangungi ammotere' kota-kota ancuruka, siagang anjamai ammotere' sikamma koko rosoka. INakke, Batara anne a'bicara, siagang mattantui laKupa'rupana kanangKu.”

PAMMUJI 126:2

Tulusu' ammakkalakki' siagang akkelong rannu sa'genna nakana bansa-bansaya, “Nagaukammi Batara gau'-gau' hebaka mae ri ke'nanga!”

PAMMUJI 102:15

Saba' ata-atanTa mangngai ri ia, manna pole na'jarimo rumbangang. Tu'guru' mangngamaseangi ke'nanga mae ri ia, manna pole na'jari aumo.

PAMMUJI 79:10

TeaKi' lappassangi bansa maraenga akkuta'nang ri kambe, angkana, “Kemaeji Allata'alana ke'nanga?” Boli'mi kamma naccini' ikambe pa'balasa' mae ri bansa-bansa ambunoai ata-atanTa.

KAIMANGNGANG 20:8

Turuki hukkung-hukkungKu, lanri iNakkemi Batara, le'baka ansa'lakko untu' KalengKu pata.”

YEHEZKIEL 39:23

Siagang sikontu bansaya lasadara' ngasemmi angkanaya tu Israel nikiringi mae ri butta pammelakkanga lanri dorakai ke'nanga mae ri Nakke. Kubokoimi ke'nanga siagang Kubalang parekangi nibeta ri musunna kammayatompa nibuno lalang pa'bundukang.

MATIUS 23:17

Ikau ngaseng tu toloa siagang tu butaya! Kereanga paralluangang: bulaenga yareka Balla'Na Batara ampa'jariai matangkasa' anjo bulaenga?

YESAYA 30:19

He, ikau niaka ammantang ri Yerusalem, tena nutulusu' langngarru'. Mangngamaseangi Batara, siagang lalintaki appiali ri kau punna akkiokko appala' tulung ri Ia.

YEHEZKIEL 38:1

Nakana Batara ri nakke,

YEHEZKIEL 43:7

“He tau, iaminne empoang kakaraengang kala'birangKu. AnrinniA' lammantang ri tangnga-tangngana umma' Israel siagang ammarenta mae ri ke'nanga sa'genna satunggu-tungguna. Baji' nake'nanga, kammayatompa sikamma karaenna ke'nanga, tenamo nalanara'massi areng matangkasakKu lanri anynyombana barhala yareka natarawanna maya'na sikamma karaenna ke'nanga anrinni ri tampaka.

KALAPPASSANG 15:17

Nampa Kiantara' tu Israel mange ri tampa' Kipilea untu' pammantanganTa. Ammantang tulimi ke'nanga ri bulu' matangkasatTa, ri Balla' Kibangunga KalenTa.

KALAPPASSANG 25:8

Suroi anjo bansaya appare' se're kema untu' iNakke, sollangKu akkulle ammantang ri tangnga-tangngana ke'nanga.

KAIMANGNGANG 26:11

NiakKa' lammantang ri alla'nu lalang ri KemaKu, siagang tena nalaKutollakko.

YEHEZKIEL 48:35

Sikontu anjo temboka la'buna 9 kilometere'. Na appakkaramula anjo wattua anjo kotaya naaremmi taua: “BATARA NIAKI ANJORENG!”

ZEFANYA 3:15

Nasaba' ammarimi Batara anghukkungko; le'ba'mi Nabongka ngaseng musunnu. Nila'langngiko ri Karaeng Israel, iamintu KalenNa Batara. Kamma-kamma anne tenamo nuparallu malla'.