YEHEZKIEL 37:11 - KITTA' MATANGKASA'

¹¹ Nakana Allata'ala ri nakke, “He tau, anne sikamma buku-bukua iami pangngebaranna bansa Israel. Akkunrarengi ke'nanga lanri kalotoroki, tena panrannuanna siagang tena allo ri bokona.

YEHEZKIEL 37:11 Referans Kwoze

EFESUS 2:1

Riolo matemi katallassang rohaninu, lanri dorakanu siagang nudakkaina parentaNa Allata'ala.

YEHEZKIEL 39:25

Nakana Batara Kaminang Tinggia, “Mingka kamma-kamma anne laKukamaseangi umma' Israel jari-jarina Yakub, siagang Kupa'jari kalumanynyang poleangi ke'nanga. Lanri kammana anjo Kujagaimi arengKu sollanna tuli nipakalompo.

YEHEZKIEL 36:10

LaKutambai jaina ummakKu Israel. Lammantangi ke'nanga ri kota-kotaya siagang lanabangungi ammotere' sikontu balla'na le'baka ancuru' a'jari loro.

YEREMIA 31:1

Nakana Batara, “Lanarapi sallang wattunna naKua'jari Allata'ala mae ri sikontu suku Israel, siagang ke'nanga a'jari ummakKu.

YESAYA 49:14

Mingka nakana pandudu'na Yerusalem, “Nabokoi maki' Batara, Nakaluppai maki' Batarata.”

HOSEA 1:11

Bansa Yehuda siagang bansa Israel lanipakase'rei ammotere'. Langngangkaki ke'nanga sitau pamimping, siagang la'bakkaki ke'nanga kammayatompa lakkalumanynyangi ammotere' ke'nanga ri pa'rasangang kalenna. Tojeng, allo Yizreel la'jarimi allo lompo!

YEREMIA 2:25

He Israel, teako lari mange angngondangi rewata-rewataya, siagang teako ammarrangngi angkioki ke'nanga, kabokkaki sallang bangkennu nakalotoro' karro'-karro'nu napakamma turere. Angkanako, ‘Tena, tena oloku lakkulle ammotere' nasaba' kungaina rewata-rewataya, nakuero' amminawang ri ke'nanga.’ ”

PAMMUJI 141:7

Lanipasiaraki buku-bukunta ri sa'rinna kuburuka sanrapang batu niancuruka naung ri buttaya.

ROMA 11:26

lanipasalama' ngaseng tommi sikontu tu Yahudia. Nasaba' nia' tattulisi' lalang ri Kittaka angkanaya, “Laniaki Karaeng Mappasalamaka battu ri Sion; laNapakabella ngasengi sikontu kaja'dallanna battu ri sossoranna Yakub.

YEHEZKIEL 37:19

pauangi ke'nanga, angkana iNakke, Batara Kaminang Tinggia, langngalle se're takkang pangngebaranna Israel nampa Kupasialle se're takkang pangngebaranna Yehuda. Anjo ruaya takkang laKupa'jari se'rei siagang Kuta'galaki lalang limangKu.

YEHEZKIEL 37:16

“He tau, angngalleko se're takkang siagang tulisiki anne kana-kanaya anjoreng, ‘Kakaraengang Yehuda’. Nampa angngalleko se're takkang maraeng, siagang tulisiki anjoreng, ‘Kakaraengang Israel’.

PIRAUNG 3:54

Naiki je'neka sa'genna ulungku, nakuappikkiri' angkana, ‘Narapi'mi anne a'jalakku!’

YESAYA 40:27

Jari he Israel, angngapa nukkunrareng, kamma angkana taNaassengai Karaeng Allata'ala susanu? Kamma angkana taNajampangiai sarennu, natena Naparhatikangi ha'nu?

2 KORINTUS 5:14

PangngamaseanNami Almasi makoasa mae ri kambe; nanaassemmo ikambe angkanaya punna matemo tau se'rea untu' kaparalluanna sikontu rupataua, anjo battuanna angkanaya mate ngasemmi sikontu rupataua.

PAMMUJI 88:5

Sanrapanga' tau lanaunga ri kali'bong kuburuka, tau tenayamo kagassinganna.

PAMMUJI 88:16

Battu ri ca'diku inji kuballasa' siagang niodo' ri kamateang, dodonga' ampisa'ringi hukkunganTa.

YEREMIA 32:43

Nakana taua anne pa'rasanganga a'jarimi sangkamma parang luara' tenaya nipammantangngi ri tau siagang olo'-olo', siagang anne pa'rasanganga tu'guru'mi antama ri limanna tu Babel. Mingka iNakke Kukana, sallang sikamma koko-kokoa lanipareki pole balu'-balukang ri anne pa'rasanganga;

PIRAUNG 3:18

Takuassengami nikanaya masahoro', lanynya'mi panrannuangku ri Batara.

YEHEZKIEL 33:10

Nakana Batara ri nakke, “He tau, pau poleangi mae ri bansa Israel anne kananna ke'nanga, ‘Ta'ronangi tallasa'na ikambe lanri nijallakkanna ri dosana siagang kaja'dallanna ikambe. Antekamma nakkulle ikambe attallasa'?’

AYUB 17:15

Kemae minasangku; inai anciniki nia' mate'neku

PAMMUJI 31:23

Lalang ri kalinguangku kukapangi angkana Napela'ma' Batara battu ri dallekang mala'biri'Na. Mingka Nalangngere'mi pappalakku wattungku akkio' mae ri Ia.