YEHEZKIEL 37:10 - KITTA' MATANGKASA'

¹⁰ Jari a'bicarama' situru' Naparentanga Batara, siagang napappatuikammo anginga anjo nappasaka antama' ri sikamma anjo tubua sa'genna attallasa'mo siagang ammentemmo ke'nanga. Teai sipato' jaina, sa'genna anggannaki a'jari se're pasukang tantara lompo.

YEHEZKIEL 37:10 Referans Kwoze

PAPPICINI' 11:11

Le'baki tallungallo assitangnga sallona, battumi nyawa attallasa' battua ri Allata'ala, nantama' poleang ri kalenna anjo ruaya na'bi. Ammentemmi nai' ke'nanga, sa'genna a'jari malla' sikalimo sikontu tau ancinikai.

PAMMUJI 104:30

Mingka punna Kisare ke'nanga nappasa', nipa'jarimi ke'nanga; Kisarei katallassang beru linoa.

YEREMIA 30:19

Pandudu'na lanapujiA' siagang kelong-kelong, siagang akkio' a'rannu-rannu pa'mai'. LaKupa'jari ke'nanga nipakalompo siagang tenamo nanihinai, siagang jaina ke'nanga pila' laKutambai.

YEREMIA 33:22

LaKutambai jari-jarina atangKu Daud siagang imang-imang suku Lewi, sa'genna anjo ke'nanga a'jari rapangi kassi' ri biring tamparanga jaina siagang bintoenga ri langika tenaya nakkulle nirekeng jaina.”

YEHEZKIEL 12:7

Nampa kugaukammo anjo parentaNa Batara mae ri nakke. Anjo memang alloa, ri wattu allona, kuparutusu'mi barang-barangku antama ri se'reang pa'roko', sangkamma biasaya nagaukang tau annompanga. Ri wattunna appakkaramulamo bangngi, appare'ma' so'bolo' siagang limangku ri tembo' ballakku, nampa assulukka' battu ri anjo so'boloka. Niparhatikamma' ri sikontu taua nakupisang pa'rokokku ri salanggangku, nampa a'lampama'.

YEHEZKIEL 37:5

“INakke Batara Kaminang Tinggia ampatuiki nappasaka antama' ri kalennu sollannu attallasa' poleang.